༢༠༡༡ ཟླ་ ༣ ཚེས་ ༣༡ རེས་གཟའ་ཕུར་བུ།
༄༅། །ཕྱི་ལོ་ ༢༠༡༡ ཟླ་ ༣ ཚེས་ ༣༠ ཉིན་བོད་གཞུང་འཕྲོད་བསྟེན་ལས་ཁུངས་ཀྱིས་རྒྱ་གར་ནང་རང་རིགས་གཉན་ནད་རེག་དུག་ནད་པ་ཁག་གཅིག་བཞུགས་སྒར་དུ་ཆེད་འབོད་ཀྱིས་ལུས་ཁམས་ཉར་ཚགས་ཞུ་ཕྱོགས་ཀྱི་ལས་གཞི་འགོ་འཛུགས་གནང་འདུག དེ་ཡང་དེ་ཉིན་སྔ་དྲོ་ཆུ་ཚོད་ ༩ ཐོག་འཕྲོད་བསྟེན་བཀའ་བློན་དཔལ་འབྱོར་ཚེ་རིང་མཆོག་གིས་འཚམས་འདྲིའི་གསུང་བཤད་གནང་ཡོད་པ་དང་། དེ་རྗེས་བོད་གཞུང་སྨན་རྩིས་ཁང་གི་སྨན་པ་ཚེ་རིང་མཚོ་མོ་ལགས་ཀྱིས་བོད་ལུགས་གསོ་རིག་གི་ཐོག་ནས་ལུས་ཁམས་ཉར་ཚགས་ཞུ་ཕྱོགས་དང་བོད་གཞུང་བདེ་ལེགས་སྨན་ཁང་གི་སྨན་པ་དབྱངས་འཛོམས་སྒྲོལ་དཀར་ལགས་ཀྱིས་ཕྱི་ལུགས་ཐོག་ནས་ལུས་ཁམས་ཉར་ཚགས་ཞུ་ཕྱོགས་ཀྱི་སློབ་གསོ་གནང་ཡོད། དེ་ནས་ཚོགས་བཅར་བ་ནང་ཁུལ་དོ་བདག་སོ་སོའི་མྱོང་ཚོར་དང་བསམ་ཚུལ་བརྗེ་ལེན་དང་སྤྱི་ཚོགས་ཁྲོད་དུ་གོ་རྟོགས་གོང་འཕེལ་ཡོང་ཐབས་སུ་ལེགས་སྤེལ་ཉེས་འགོག་གི་བསམ་འཆར་དང་། གྲོས་བསྡུར་དྲི་བ་དྲིས་ལན་མཇུག་སྡོམས་གྲོས་ཆོད་བཅས་གནང་འདུག ཕྱི་ཚེས་ ༣༡ ཉིན་རྡ་སའི་ཉེ་འཁོར་གངས་སྐྱིད་དང་། སྨན་རྩིས་ཁང་། དེ་བཞིན་ནོར་གླིང་བཅས་ལ་སྤྲོ་གསེང་སྐོར་བསྐྱོད་དང་གཙུག་ལག་ཁང་དུ་མཆོད་མཇལ། བོད་ཀྱི་འགྲེམས་སྟོན་ཁང་ལ་ལྟ་སྐོར་བཅས་གནང་ཡོད་འདུག
གཉན་ནད་རེག་དུག་ནད་པ་ཁག་གཅིག་ལ་ལུས་ཁམས་ཉར་ཚགས་ཞུ་ཕྱོགས་ཀྱི་ལམ་སྟོན་གནང་བ།
གསར་གནས།
འབྲེལ་གནས།
