༢༠༡༡ ཟླ་ ༣ ཚེས་ ༣ རེས་གཟའ་ཕུར་བུ།
༄༅། །ས་སྟེང་རྒྱལ་བསྟན་ཡོངས་རྫོགས་ཀྱི་མངའ་བདག འཇིག་རྟེན་ཞི་བདེའི་དེད་དཔོན་ཆེན་པོ། གངས་ལྗོངས་ཆོས་སྲིད་གཉིས་ཀྱི་བླ་ན་མེད་པའི་དབུ་ཁྲིད། ༸གོང་ས་ལྷ་མིའི་རྣམ་འདྲེན་༸སྐྱབས་མགོན་རྒྱལ་བའི་དབང་པོ་མཆོག་གིས་དབུས་གངས་ལྗོངས་ཆོས་བརྒྱུད་ཆེན་པོ་བཞི་དང་། གཡུང་དྲུང་བོན་བཅས་པའི་བླ་ཆེན་དབུ་ཁྲིད་རྣམ་པ། བོད་གཞུང་མང་གཙོའི་ཀ་བ་གསུམ་གྱི་མཛད་གཙོ་རྣམ་པ། གཞིས་ལུས་རྒྱ་ཆེའི་སྤུན་ཟླ་རྣམས་ཀྱིས་གཙོས་གཞིས་བྱེས་གཉིས་སུ་གནས་པའི་རང་རིགས་རྒྱ་ཆེའི་སེར་སྐྱ་མི་མང་རྣམས་དང་། འཛམ་གླིང་ཁྱོན་ཡོངས་སུ་གནས་པའི་དྲང་བདེན་ལ་འགྱུར་མེད་ཀྱི་རྒྱབ་སྐྱོར་གནང་མཁན་བཅས་ལ་བོད་གནམ་ལོའི་རང་ཞལ་གསར་དུ་བཞད་པར་བཀྲིས་བདེ་ལེགས་ཞུ་རྒྱུ་མ་ཟད། ལོ་གསར་པའི་ནང་སྤྱིར་འཇིག་རྟེན་ཁྱོན་ལ་ཞི་བསིལ་ཕན་བདེས་ཁྱབ་པ་དང་། ཁྱད་པར་འཕགས་མཆོག་ཐུགས་རྗེ་ཆེན་པོའི་གདུལ་ཞིང་བོད་ཁ་བ་ཅན་པའི་དྲང་བདེན་འཐབ་རྩོད་ལ་ཁྱོན་ཡོངས་ནས་རྒྱལ་ཁའི་ཉི་གཞོན་འཕྲལ་མར་འཆར་ཏེ་སྐལ་བཟང་རྫོགས་ལྡན་གསར་པར་ལོངས་སུ་སྤྱོད་ཐུབ་པའི་སྨོན་འདུན་ཤུགས་དྲག་ཞུ་རྒྱུ་བཅས།།
གནམ་ལོ་གསར་ཚེས་ལ་བཀྲ་ཤིས་བདེ་ལེགས་ཞུ།
གསར་གནས།
![](https://bod.asia/wp-content/uploads/2017/08/cropped-Central_Tibetan_Admin_Logo-1-370x370.jpeg)
འབྲེལ་གནས།
![](https://bod.asia/wp-content/uploads/2017/08/cropped-Central_Tibetan_Admin_Logo-1-370x370.jpeg)