༢༠༡༡ ཟླ་ ༣ ཚེས་ ༣ རེས་གཟའ་ཕུར་བུ།
༄༅། །ཕྱི་ལོ་ ༢༠༡༡ ཟླ་ ༣ ཚེས་ ༣ དང་བོད་ཟླ་ ༡༢ པའི་ཚེས་ ༢༩ བོད་ཀྱི་སྲོལ་རྒྱུན་གྱི་དགུ་ཕྱག་ཉིན་མོ་དང་སྟབས་བསྟུན་བོད་གཞུང་འཕྲོད་བསྟེན་ལས་ཁུངས་ནས་ལོ་ལྟར་ཕྱི་ཟླ་ ༤ ཚེས་ ༧ ཉིན་འཛམ་གླིང་འཕྲོད་བསྟེན་ཉིན་མོ་ཞེས་སྲུང་བརྩི་ཞུ་བཞིན་པ་དེ་ལྟར་མ་དགོས་པར་འདི་ལོ་ནས་སླད་ཕྱིན་བོད་ཟླ་ ༡༢ ཚེས་ ༢༩ དེ་བཞིན་ཁོར་ཡུག་གཙང་བཟོའི་ཉིན་མོར་སྲུང་བརྩི་ཞུ་རྒྱུར་བཀའ་ཤག་ལྷན་རྒྱས་ནས་ཐག་གཅོད་གཏན་འབེབས་གནང་བ་བཞིན་རྗེས་ལོ་ནས་བཟུང་བོད་མིའི་སྡོད་སྒར་གཞིས་ཆགས་ཁག་ཚང་མར་གཅིག་གྱུར་འབྱུང་སླད་ཁོར་ཡུག་གཙང་གཟོའི་ཉིན་མོ་ཞེས་སྲུང་བརྩི་ཞུས་པ་དང་སྦྲགས། ཁོར་ཡུག་གཙང་བཟོའི་ལས་འཆར་ཞུ་དགོས་པའི་བཀོད་ཁྱབ་གནང་འདུག་པ་ལྟར་ཉིན་རྒྱབ་བཞུགས་སྒར་གངས་སྐྱིད་ཁུལ་གྱི་ལས་ཁུངས་ཁག་དང་ཁྱབ་ཁོངས་སྡེ་ཚན་སོ་སོའི་ལས་བྱེད་རྣམས་སྡེ་ཚན་ཁག་ ༡༣ ཆ་བགོས་ཀྱིས་གཙང་བཟོ་གནང་ཡོད་པ་བཅས། །