༢༠༡༡ ཟླ་ ༡ ཚེས་ ༢༩ རེས་གཟའ་སྤེན་པ།
༄༅། །འདི་གར་ཕྱི་དྲིལ་བོད་ཡིག་ཚན་པའི་ གསར་འགོད་པས་ས་གནས་ནས་བཏང་གནས་ནང་འཁོད་དོན། ཕྱི་ལོ་ ༢༠༡༡ ཟླ་ ༡ ཚེས་ ༣༡ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ ལྷོ་གཞིས་མོན་གྷོ་འདོད་རྒུ་གླིང་དུ་༸ཞབས་སོར་བཀའ་དྲིན་བསྐྱང་རྒྱུ་ཐུགས་གཏན་ འཁེལ་བ་བཞིན། ས་གནས་འདིའི་དགོན་སྡེ་ཁག་དང་། བཙུན་དགོན། གཞི་ལས་ཁང་། དེ་ བཞིན་གཞུང་འབྲེལ་དང་གཞུང་འབྲེལ་མིན་པའི་ཚོགས་སྐྱིད་ཁག་བཅས་ནས་༸གོང་ས་མཆོག་ ལ་ཕེབས་བསུའི་ཆེད་ཕེབས་སྒོ་ ༣༠ ལྷག་དང་། ཤིས་བརྗོད་འདྲ་མིན་སྣ་ཚོགས་ཀྱིས་ བརྒྱན་པའི་འཕྲེད་དར་སོགས་གསར་བཞེངས་དང་། ཕེབས་ལམ་དུ་འཁེལ་བའི་གྲོང་སྡེ་དང་ སྒེར་པ་སོ་སོའི་སྡོད་ཁང་ཁོར་ཡུག་གཙང་བཟོ་དང་དཀར་རྩི་གསར་བྱུག་གིས་སྐྱ་སེར་ ཡོངས་ནས་དགའ་དད་སྤྲོ་གསུམ་གྱི་ངང་སྐབས་སུ་བབ་པའི་ཕེབས་སྒྲིག་གི་ལས་དོན་ལ་ བྲེལ་བཞིན་འདུག སྤྱི་ནོར་༸གོང་ས་༸སྐྱབས་མགོན་ཆེན་པོ་གིས་ཕྱི་ཚེས་ ༣༡ ཉིན་རྭ་སྟོད་གྲྭ་ཚང་ གི་གཙུག་ལག་ཁང་གསར་པ་དབུ་འབྱེད་དང་།
ཚེས་ཕྱི་ ༦ བར་མི་མང་ལ་བཀའ་སློབ་དང་ཆོས་འབྲེལ་སོགས་བཀྲིན་ཆེ་བ་སྩལ་རྒྱུ་ཡིན་པ་ དང། གཞན་ཡང་དཔལ་ལྡན་བཀའ་ཁྲི་མཁས་དབང་ཟམ་གདོང་རིན་པོ་ཆེ་མཆོག་འདི་ཟླའི་ ཚེས་ ༣༠ ཉིན་མོན་གྷོ་འདོད་རྒུ་གླིང་དུ་ཕེབས་འབྱོར་གནང་རྒྱུ་ཡིན་འདུག དེ་ ཉིན་བཀའ་ཁྲི་མཆོག་གིས་གདན་ས་ཆེན་པོ་འབྲས་སྤུངས་དང་དགའ་ལྡན་གྲྭ་མང་ཡོངས་ལ་ གསུངབཤད་གནང་རྒྱུ་དང་།
དེ་བཞིན་མོན་གྷོ་བོད་སློབ་འཛིན་ཚོགས་ཀྱི་སློབ་གྲྭའི་ཚོགས་ཁང་དུ་ དགེ་ལས་སློབ་ཕྲུག་ཡོངས་ལ་ཡང་གསུང་བཤད་གནང་རྒྱུ་ཡིན་འདུག
ཉིན་རྒྱབ་ས་གནས་གཞིས་འགོ་ངོ་ ལས་རྣམས་དང་ས་གནས་འདི་གའི་ལས་ཀྱི་སྣེ་མོ་བ་ཡོངས་དང་བཞུགས་མོལ་ཚོགས་འདུ་གནང་ རྒྱུ་ཡིན་འདུག ཕྱི་ཚེས་ ༣༡ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ས་གནས་སུ་༸ཞབས་ སོར་བཀྲིན་སྐྱོང་སྐབས་ཕེབས་བསུའི་མཚོན་པའི་མཛད་འཆར་གཞན་ཁག་གི་ནང་མཉམ་ཞུགས་ གནང་རྒྱུ་དང་། ཕྱི་ཟླ་ ༢ ཚེས་ ༡ ཉིན་མི་མང་ཚོགས་ལ་གསུང་བཤད་གནང་རྒྱུ་ཡིན་ འདུག དེ་ནས་ཕྱི་ཚེས་ ༢ ཉིན་མོན་གྷོ་འདོད་རྒུ་གླིང་ནས་ཕེབས་ཐོན་གནང་རྒྱུ་ ཡིན་འདུག་པ་བཅས།།
