༢༠༡༡ ཟླ་ ༡ ཚེས་ ༣༡ རེས་གཟའ་ཟླ་བ།
༄༅། །ཕྱི་ལོ་ ༢༠༡༡ ཟླ་ ༢ ཚེས་ ༦ ནས་ ༨ བར་བཙན་བྱོལ་བོད་གཞུང་ཆོས་རིག་བཀའ་བློན་ཚེ་རིང་ཕུན་ཚོགས་མཆོག་རྒྱ་གར་ཤར་ཕྱོགས་ཨ་རུ་ན་ཅལ་ཁུལ་དུ་རྟེན་གཞི་བྱས་པའི་པདྨ་བཀོད་ཀྲུ་ཀྲིང་ས་གནས་སུ་སྔ་འགྱུར་ཆོས་བརྒྱུད་པད་བཀོད་ངེས་གསང་མདོ་སྔགས་བྱང་ཆུབ་དར་རྒྱས་གླིང་གི་གཙུག་ལག་ཁང་གསར་བཞེངས་ལེགས་གྲུབ་ཀྱི་དབུ་འབྱེད་མཛད་སྒོར་ཕེབས་རྒྱུ་ཡིན་འདུག དེ་ཡང་ཆོས་རིག་བཀའ་བློན་མཆོག་ཕྱི་ཚེས་ ༣༠ ཉིན་རྡ་ས་ནས་སྤ་ཐན་ཀོ་ཊི་དང་དེ་ནས་མེ་འཁོར་བརྒྱུད་ལྡི་ལིར་ཕེབས་ཐོན་གྱིས་ལྡི་ལི་ནས་གནམ་ཐོག་བརྒྱུད་རྡེབ་རུ་གྷར་དུ་ཕེབས་ཐོན་གནང་རྒྱུ་ཡིན་འདུག ཟླ་ ༢ ཚེས་ ༢ ཉིན་རྡེབ་རུ་གྷར་ནས་དགོན་པས་གོ་སྒྲིག་འོག་ཐད་འཕུར་གནམ་གྲུ་བརྒྱུད་ཀྲུ་ཀྲིང་དུ་ཕེབས་ཏེ་ས་གནས་མང་ཚོགས་དང་ཐུག་འཕྲད་ཀྱིས་གཞུང་དོན་འཚམས་གཟིགས་དང་འབྲེལ་བའི་གསུང་བཤད་གནང་རྒྱུ་ཡིན་འདུག དེ་རྗེས་ཕྱི་ཚེས་ ༦ ནས་ ༨ བར་ཉིན་གྲངས་གསུམ་རིང་པད་བཀོད་ངེས་གསང་མདོ་སྔགས་བྱང་ཆུབ་དར་རྒྱས་གླིང་གི་གཙུག་ལག་ཁང་གསར་བཞེངས་ལེགས་གྲུབ་ཀྱི་དབུ་འབྱེད་གནང་རྒྱུ་ཡིན་འདུག
ཕྱི་ཚེས་ ༩ ཉིན་ཀྲུ་ཀྲིང་ནས་ཐད་འཕུར་གནམ་གྲུ་བརྒྱུད་རྡེབ་རུ་གྷར་དུ་ཕེབས་ཏེ་ཕྱི་ཚེས་ ༡༠ ཉིན་གནམ་ཐོག་ནས་ལྡི་ལིར་ཕེབས་ཐོན་གྱིས་ལྡི་ལི་ནས་མེ་འཁོར་བརྒྱུད་ཕྱི་ཚེས་ ༡༢ ཉིན་རྡ་སར་ཕེབས་འབྱོར་གནང་རྒྱུ་ཡིན་འདུག་པ་བཅས།།
ཆོས་རིག་བཀའ་བློན་མཆོག་གཞུང་འབྲེལ་ཕྱོགས་བསྐྱོད།
གསར་གནས།
འབྲེལ་གནས།
