༢༠༡༠ ཟླ་ ༡༢ ཚེས་ ༡༨ རེས་གཟའ་པ་སངས།
༄༅། །ཕྱི་ལོ་ ༢༠༡༠ ཟླ་ ༡༢ ཚེས་ ༡༨ རེས་གཟའ་པ་སངས་ཉིན་རྒྱབ་ཆུ་ཚོད་ ༣ ཐོག་སུད་སི་ནས་ཡིན་པའི་རྫས་སྦྱོར་རིག་པའི་ཐོག་ནོ་བེལ་གཟེངས་རྟགས་ཐོབ་མཁན་གྱི་གཙུག་ལག་སློབ་དཔོན་མཁས་དབང་སྐུ་ཞབས་རི་ཆཌ་ཨར་ཨ་ཡིན་སི་ཊི་ (Prof.Richard R.Ernst) ལགས་ཀྱིས་རྡ་ས་བོད་ཀྱི་དཔེ་མཛོད་ཁང་དུ་ཕེབས་ཏེ་གསུང་བཤད་གནང་ཡོད། སྐབས་དེར་དཔེ་མཛོད་ཁང་གི་དྲུང་ཆེ་དང་ལས་བྱེད་རྒན་གཞོན། དེ་བཞིན་བཙན་བྱོལ་བོད་གཞུང་གི་དྲུང་ཆེས་གཙོས་ལས་བྱེད་རྒན་གཞོན་ཁག་གཅིག་དང་གསར་འགོད་པ་བཅས་ཁྱོན་མི་གྲངས་ ༧༠ ཙམ་འདུ་འཛོམས་བྱུང་འདུག ཚོགས་འདུ་དབུ་འཛུགས་ཀྱི་ཐོག་མར་རྒྱ་གར་ནང་དགོན་སྡེ་ཁག་གི་ནང་དུ་ཚན་རིག་དང་ནང་ཆོས་སློབ་ཁྲིད་ཀྱི་ལས་འཆར་ (Science Meets Dharma) ཞེས་པའི་ཚོགས་པ་དེའི་འབྲེལ་མཐུད་པ་སེར་བྱེས་ཧར་གདོང་ཁང་ཚན་གྱི་དགེ་བཤེས་ཉི་མ་བཀྲ་ཤིས་ལགས་ཀྱིས་༸གོང་ས་༸སྐྱབས་མགོན་ཆེན་པོ་མཆོག་སུ་སིར་རྟེན་གཞི་བྱས་པའི་རི་ཀོན་དགོན་པའི་ནང་ཕྱི་ལོ་ ༡༩༨༩ ལོར་ཆིབས་སྒྱུར་སྐྱོང་སྐབས་རྒྱ་གར་ནང་བོད་ཀྱི་དགོན་སྡེ་ཁག་གི་གྲྭ་བརྩུན་རྣམས་ལ་ཚན་རིག་སློབ་ཁྲིད་དགོས་པའི་ལམ་སྟོན་བཀའ་སློབ་སྩལ་རྗེས་རིམ་བཞིན་ལས་འཆར་འགོ་འཛུགས་བྱུང་ཚུལ་རོབ་ཙམ་ངོ་སྤྲོད་གནང་བ་མ་ཟད།
ཚན་རིག་མཁས་དབང་སྐུ་ཞབས་རི་ཆཌ་ཨར་ཨ་ཡིན་སི་ཊི་ལགས་མང་ཚོགས་ལ་ངོ་སྤྲོད་གནང་། དེ་རྗེས་སྐུ་ཞབས་རི་ཆཌ་ཨར་ཨ་ཡིན་སི་ཊི་ལགས་ཀྱིས་ཚན་རིག་དང་འབྲེལ་བའི་གསུང་བཤད་གནང། སྐུ་ཞབས་རི་ཆཌ་ཨར་ཨ་ཡིན་སི་ཊི་ལགས་ལ་ ༡༩༩༡ ལོར་རྫས་སྦྱོར་རིག་པའི་ཐོག་ནོ་བེལ་གཟེངས་རྟགས་ཐོབ་ཡོད་པ་བཅས།།
རྫས་སྦྱོར་རིག་པའི་ཐོག་ནོ་བེལ་གཟེངས་རྟགས་ཐོབ་པའི་ (Nobel Laureate) མཁས་དབང་རྡ་ས་བོད་ཀྱི་དཔེ་མཛོད་ཁང་དུ་ཕེབས་ཏེ་གསུང་བཤད་གནང་བ།འི
གསར་གནས།
![](https://bod.asia/wp-content/uploads/2017/08/cropped-Central_Tibetan_Admin_Logo-1-370x370.jpeg)
འབྲེལ་གནས།
![](https://bod.asia/wp-content/uploads/2017/08/cropped-Central_Tibetan_Admin_Logo-1-370x370.jpeg)