༢༠༡༠ ཟླ་ ༡༢ ཚེས་ ༡༦ རེས་གཟའ་ཕུར་བུ།
༄༅། །ཕྱི་ལོ་ ༢༠༡༠ ཟླ་ ༡༢ ཚེས་ ༡༥ རེས་གཟའ་ལྷག་པའི་ཉིན་བཙན་བྱོལ་བོད་གཞུང་བཀའ་ཁྲི་ཟམ་གདོང་རིན་པོ་ཆེ་མཆོག་གིས་བོད་ཀྱི་གནད་དོན་བཏང་སྙོམས་སུ་བཞག་སྟེ་རྒྱ་དཀར་ནག་གཉིས་ཀྱི་ས་མཚམས་ཀྱི་རྩོད་རྙོག་སེལ་རྒྱུའི་རེ་འདུན་བཅངས་པ་དེ་ནི་རེ་བ་སྟོང་པ་ཞིག་རེད། ཅེས་གསུངས་ཡོད་པ་རྒྱ་གར་དུས་བབ་གསར་ཤོག་ནང་གསལ་འདུག དེ་ཡང་གསར་ཤོག་དེའི་ནང་བཀའ་ཁྲི་མཆོག་གིས་གསུང་དོན། དོན་དངོས་ཐོག་རྒྱ་དཀར་ནག་གཉིས་ཀྱི་ས་མཚམས་ཟེར་བ་ཞིག་མེད། རྒྱ་དཀར་ནག་གཉིས་ཀྱི་ས་མཚམས་རྩོད་རྙོག་ཟེར་བ་དེའི་ནང་བོད་ཚུད་ཡོད། ས་མཚམས་ཀྱི་རྩོད་རྙོག་སེེལ་ཆེད་རྒྱ་དཀར་ནག་ཕྱོགས་གཉིས་ཀར་ཆབ་སྲིད་ཀྱི་ཆོད་སེམས་དགོས། ཇི་སྲིད་བོད་ཀྱི་གནད་དོན་བཏང་སྙོམས་སུ་བཞག་པ་དེ་སྲིད་དུ་འབྲེལ་ཡོད་ས་ཁུལ་ནང་ཕུགས་རྒྱང་རིང་པོའི་ཞི་བདེ་ཡོང་བའི་རེ་འདུན་བཅངས་པ་དེ་ནི་རེ་བ་སྟོང་པ་ཞིག་རེད། འོན་ཀྱང་བཙན་བྱོལ་བོད་གཞུང་གིས་ཨེ་ཤི་ཡའི་སྟོབས་ཆེན་རྒྱལ་ཁབ་རྒྱ་དཀར་ནག་གཉིས་དབར་འབྲེལ་བ་བརྟན་པོ་ཡོང་བའི་རེ་འདོད་འཆང་བཞིན་ཡོད་ཅེས་གསུངས་ཡོད།།
དོན་དངོས་ཐོག་རྒྱ་དཀར་ནག་གཉིས་ཀྱི་ས་མཚམས་ཟེར་བ་ཞིག་མེད།
གསར་གནས།
![](https://bod.asia/wp-content/uploads/2017/08/cropped-Central_Tibetan_Admin_Logo-1-370x370.jpeg)
འབྲེལ་གནས།
![](https://bod.asia/wp-content/uploads/2017/08/cropped-Central_Tibetan_Admin_Logo-1-370x370.jpeg)