༢༠༡༠ ཟླ་ ༡༢ ཚེས་ ༢ རེས་གཟའ་ཕུར་བུ།
༅༅། ། ཕྱི་ལོ་ ༢༠༡༠ ཟླ་ ༡༢ ཚེས་ ༢ ཉིན་༸གོང་ས་༸སྐྱབས་མགོན་ཆེན་པོ་མཆོག་གིས་ཨུ་རུ་སུའི་ཁོངས་གཏོགས་དད་ཆོས་ཞུ་བ་གཙོ་བོ་གྱུར་བའི་ཕྱི་ནང་མི་མང་རྣམས་ལ་ལག་ལེན་སོ་བདུན་དང་དཔལ་གསང་བ་འདུས་པའི་བཀའ་དབང་གི་ཆོས་འབྲེལ་མཇུལ་སྒྲིལ་ཉིན་བཀའ་སློབ་སྩལ་དོན། རྫོགས་རིམ་གྱི་རྣམ་གཞག་མང་པོ་བཤད་པ་ལས་དཔལ་གསང་བ་འདུས་པའི་བསྐྱེད་རིམ་སྒོམ་ན་ཡག་པོ་ཡོད། མ་གཞི་ང་ཚོ་ཚང་མ་རྒད་པོ་རྒད་མོ་ཆགས་ནས་མཐར་འཆི་འགྲོ་གི་རེད། འཆི་ཁར་ཏོག་ཙམ་རེ་བ་རྒྱག་ས་བྱང་ཆུབ་ཀྱི་སེམས་དང་སྟོང་ཉིད་ཀྱི་ལྟ་བ། དེའི་ནང་ནས་འཆི་ཁར་བྱང་ཆུབ་ཀྱི་སེམས་ཁོ་ནའི་བློ་ཡག་པོ་ཞིག་བསྐྱེད་ན་སྐྱེ་བ་ཕྱི་མ་རྟེན་བཟང་པོ་ཞིག་ཐོབ་རྒྱུར་བརྒྱ་ཆ་བརྒྱ་ཐག་ཆོད་པ་རེད། བླ་མ་བརྒྱ་ལ་སྐྱབས་འཇུག་ཞུས་པ་ལས་སོ་སོས་བྱང་ཆུབ་སེམས་རྩེ་གཅིག་ཏུ་སྒོམ་ནས་བསྡད་ན་དེ་ལས་ལྷག་པ་གང་ཡང་མེད། རྩ་བ་བྱང་ཆུབ་ཀྱི་སེམས་སྒོམ་དགོས། སྤྱོད་འཇུག་ནང་། གོམས་ན་སླ་བར་མི་འགྱུར་བའི། །དངོས་དེ་གང་ཡང་ཡོད་མ་ཡིན། དེར་བརྟེན་སྒོམ་ན་རིམ་པས་རིམ་པས་བློར་འགྱུར་བ་ཐེབས་ཐུབ་རྒྱུ་ཏན་ཏན་ཡོང་གི་རེད། གཙོ་བོ་བྱང་ཆུབ་ཀྱི་སེམས་སྒོམ་རྒྱུ་དང་། བྱང་ཆུབ་སེམས་ཀྱི་གོ་བ་དང་ཐར་པ་ཞེས་ཡོད་པ་ཞིག་སྟོང་ཉིད་ཀྱི་བསམ་བློ་བཏང་ན་མ་གཏོགས་བཤད་ཐུབ་རྒྱུ་ཁག་པོ་རེད། བྱང་ཆུབ་ཀྱི་སེམས་དམིགས་ལམ་ཡག་པོ་ཞིག་ཡོང་རྒྱུར་རྒྱབ་རྟེན། སྟོང་ཉིད་ཀྱི་ལྟ་བ་དེའི་ཐོག་ནས་ལྷའི་རྣལ་འབྱོར་དེ་དག་ག་ཚོད་ཐུབ་ཐུབ་ཀྱི་གོམས་འདྲིས་བྱས་ཚེ་སྡོམ་པ་གསུམ་ལྡན་གྱི་རིག་པ་འཛིན་པ་ཞེས་པ་དེ་ཆགས་ཀྱི་ཡོད། ཅེས་བཀའ་སློབ་ཕེབས་ཏེ་ཆོས་འབྲེལ་མཇུག་སྒྲིལ་མཛད་ཡོད་པ་བཅས།
༸གོང་ས་མཆོག་གིས་ཨུ་རུ་སུ་གཙོ་བོ་གྱུར་བའི་དད་ལྡན་མང་ཚོགས་རྣམས་ལ་ཉིན་མཐའ་མའི་དཔལ་གསང་བ་འདུས་པའི་བཀའ་དབང་གྲུབ་རྗེས་བཀའ་སློབ་སྩལ་བ།
གསར་གནས།
![](https://bod.asia/wp-content/uploads/2017/08/cropped-Central_Tibetan_Admin_Logo-1-370x370.jpeg)
འབྲེལ་གནས།
![](https://bod.asia/wp-content/uploads/2017/08/cropped-Central_Tibetan_Admin_Logo-1-370x370.jpeg)