༢༠༡༠ ཟླ་ ༡༢ ཚེས་ ༢ རེས་གཟའ་ཕུར་བུ།
༄༅། །བཙན་བྱོལ་བོད་གཞུང་གི་རྩིས་ལོ་༢༠༡༠་་་༢༠༡༡ ལོའི་བསྐྱར་བཅོས་སྔོན་རྩིས་རྒྱུན་གྲོན་དང་།དམིགས་བསལ། ཟུར་བཀོལ་བཅས་ལ་བཀའ་ཤག་ནས་རྒྱབ་གཉེར་ཧིན་སྒོར་ ༡༡༤༤༡༡༤༣༣༧།༠༠ གནང་འདུག་པར། ཕྱི་ཚེས་ ༢༣།༢༤།༢༥།༢༦ བཅས་སུ་རྒྱུན་ལས་ལྷན་ཚོགས་ཀྱིས་བཀའ་བསྡུར་ཞིབ་ལྷུག་གནང་སྟེ་གཅོག་ཆ་གྲངས་ ༡༦ ལ་ཧིན་སྒོར་ ༣༣༥༨༥༡།༠༠ དང་། སྤར་ཆ་གྲངས་ ༧ ལ་ཧིན་སྒོར་ ༢༥༡༦༢༢།༠༠ བཅས་གནང་སྟེ་མཐའ་དོན་རྒྱུན་གྲོན་དང་། དམིགས་བསལ། དམིགས་བཀར་བཅས་རྩིས་ཁག་གསུམ་ལ་ཁྱོན་བསྡོམས་ཧིན་སྒོར་ ༡༡༤༤༠༣༠༡༠༨།༠༠ དང་། ཡང་ས་འཐུས་མེད་པའི་ས་གནས་ཁག་བདུན་གྱི་བསྐྱར་བཅོས་སྔོན་རྩིས་སུ་བཀའ་ཤག་གི་རྒྱབ་གཉེར་ཧིན་སྒོར་ ༣༡༣༤༦༦༣༩།༠༣ གནང་བ་ལྟར་རང་འཇགས་དང་། འཕྲོད་བསྟེན་ཁྱབ་ཁོངས་སྨན་ཁང་ཁག་དང་མངོན་དགའ་སློབ་གྲྭ་བཅས་ཀྱི་འགྲོ་གྲོན་ལ་བཀའ་ཤག་གི་རྒྱབ་གཉེར་ཧིན་སྒོར་ ༣༦༠༧༤༩༤༡།༠༠ གནང་ཡོད་པར་སྤྱི་འཐུས་རྒྱུན་ལས་ཀྱིས་གཅོག་ཆ་ཧིན་སྒོར་ ༢༠༠༠༠།༠༠ གནང་བ་དང་། སྤར་ཆ་ཧིན་སྒོར་ ༢༠༣༠༡།༠༠ གནང་སྟེ་ཁྱོན་བསྡོམས་བཀའ་འཁྲོལ་ཧིན་སྒོར་ ༣༦༠༧༥༢༤༢།༠༠ བཅས་བཀའ་འཁྲོལ་གཏན་འབེབས་གྲུབ་ཅིང་། བཙན་བྱོལ་བོད་མིའི་གཞུང་དངུལ་འདུ་འགོད་དང་། ལོ་འཁོར་སྔོན་རྩིས། དངུལ་རྩིས་སྟངས་འཛིན་བཅས་ཀྱི་སྒྲིག་གཞི་དོན་ཚན་ ༩ པའི་ནང་གསེས་ ༡ དགོངས་དོན་ལྟར་ཕྱི་ལོ་ ༢༠༡༠ ཟླ་ ༡༡ ཚེས་ ༣༠ ནས་རྩ་འཛིན་གནང་རྒྱུ་ཡིན་པའི་དཔལ་ལྡན་དཔལ་འབྱོར་བཀའ་བློན་མཆོག་གི་མཚན་ཐོག་ཕུལ་ཟིན་པ་བཅས་ཀྱི་གནས་བསྡུས་སུ། བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་དྲུང་ལས་ཁུངས་ནས་ཕྱི་ལོ་ ༢༠༡༠ ཟླ་ ༡༢ ཚེས་ ༡ ལ།། །།
༄༅། །བཙན་བྱོལ་བོད་གཞུང་གི་རྩིས་ལོ་ ༢༠༡༠་་་༢༠༡༡ ལོའི་བསྐྱར་བཅོས་སྔོན་རྩིས་གཏན་འབེབས།
གསར་གནས།
འབྲེལ་གནས།
