༢༠༡༠ ཟླ་ ༡༡ ཚེས་ ༡ རེས་གཟའ་ཟླ་བ།

༄༅། །ཕྱི་ལོ་ ༢༠༡༠ ཟླ་ ༡༠ ཚེས་ ༣༡ ཉིན་རྡ་ཤོད་ Lion Bhawan ཞེས་པའི་ཚོགས་ཁང་དུ་རྒྱ་གར་བའི་གཞུང་འབྲེལ་མིན་པའི་དམངས་ཁྲོད་ཀྱི་སྤྱི་ཚོགས་དང་རིག་གཞུང་བདེ་དོན་ཚོགས་པ་དབུ་བརྙེས་ནས་ལོ་ ༡༨ འཁོར་བའི་དུས་དྲན་ཉིན་སྐུ་མགྲོན་གཙོ་བོ་ཧི་མཱ་ཅལ་མངའ་སྡེའི་བཟོ་རིགས་བློན་ཆེན་  Sh.Kishan Kapoor མཆོག་གིས་སྤྱི་ཚོགས་ཞབས་ཞུ་བ་མི་གྲངས་དགུ་ལ་གཟེངས་རྟགས་གནང་བའི་ནང་བོད་མི་མང་སྤྱི་འཐུས་ངག་དབང་ལྷ་མོ་ལགས་ཀྱིས་དབང་པོ་སྐྱོན་ཅན་ལ་ལྟ་རྟོགས་གནང་བར་བརྟེན་སྤྱི་ཚོགས་ཞབས་ཞུའི་གཟེངས་རྟགས་ཤིག་གནང་ཡོད། དེ་ཡང་སྤྱི་འཐུས་ངག་དབང་ལྷ་མོ་ལགས་ཀྱིས་གསུང་དོན། ཕྱོགས་མཐའ་ཁག་ནས་ནད་པ་རྒྱུན་རིང་སྨན་བཟས་ཏེ་སྡོད་མཁན་ཚོར་མཐུན་རྐྱེན་བསྐྲུན་རྒྱུའི་དགོངས་འཆར་ཡོད་སྐོར་སོགས་ཀྱི་གསུང་བཤད་གནང་ཡོད། ཚོགས་པ་དེས་བུད་མེད་དབུལ་ཕོངས་ལ་ཤེས་ཡོན་དང་ལག་ཤེས། ཉམ་ཐག་སློབ་ཕྲུག་ཚོར་གྱོན་གོས་སོགས་ཀྱི་མཐུན་འགྱུར་གནང་གི་ཡོད་པ་མ་ཟད་། ལོ་རེའི་སྤྱི་ཚོགས་ཞབས་ཞུ་གནང་མཁན་མི་སྣ་ཚོར་སྐུལ་ལྕག་གཏོང་ཆེད་གཟེངས་བསྟོད་ཀྱང་གནང་གི་ཡོད་འདུག