༢༠༡༠ ཟླ་ ༡༡ ཚེས་ ༢ རེས་གཟའ་མིག་དམར།

༄༅། །བཀའ་ཁྲི་ཟམ་གདོང་རིན་པོ་མཆོག་ཕྱི་ལོ་ ༢༠༡༠ ཟླ་ ༡༡ ཚེས་ ༣ ཕྱི་དྲོ་རྡ་ས་ནས་ཅཀྐཱི་བྷེངྐ་བརྒྱུད་ལྡི་ལིར་ཕེབས་འབྱོར་གནང་རྒྱུ་དང་། ཚེས་ ༥ ནས་ ༧ བར་ཉིན་གྲངས་གསུམ་རིང་ལྡི་ལིའི་ཉེ་འདབས་སུརཇ་ཀུནཌ་རུ་ཚོགས་གཏན་འཁེལ་བའི་རྒྱལ་སྤྱིའི་བོད་དོན་རྒྱབ་སྐྱོར་ཚོགས་པའི་ཚོགས་ཆེན་ཐེངས་དྲུག་པར་མཉམ་ཞུགས་གནང་རྒྱུ། དེ་བཞིན་ཚེས་ ༨ ཉིན་སྐུ་ཚབ་དོན་གཅོད་ཁག་གི་ཚོགས་འདུར་མཉམ་ཞུགས་གནང་རྗེས་ཚེས་ ༩ ཉིན་ལྡི་ལི་ནས་པ་ཀོར་བརྒྱུད་རྡ་སར་ཕེབས་འབྱོར་གནང་རྒྱུ་ཡིན་འདུག་པ་བཅས།