༢༠༡༠ ཟླ་ ༡༠ ཚེས་ ༧ རེས་གཟའ་ཕུར་བུ།
༅༅། །འདི་གར་ཨོ་སི་ཊོ་ལི་ཡ་བོད་གཞུང་སྐུ་ཚབ་དོན་ཁང་ནས་བཏང་གནས་ནང་འཁོད་དོན། བལ་ཡུལ་ནང་བཙན་བྱོལ་བོད་མིའི་བཀའ་སྤྱིའི་སྔོན་འགྲོའི་འོས་ཤོག་འཕེན་པའི་འོས་སྒམ་བཙན་འཕྲོག་བྱས་པའི་གནས་ཚུལ་ཐོས་མ་ཐག་ཨོ་སི་ཊོ་ལི་ཡ་བོད་གཞུང་སྐུ་ཚབ་དོན་ཁང་གིས་ཨོ་སི་ཊོ་ལི་ཡའི་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་གཙོ་དང་ཨོ་སི་ཊོ་ལི་ཡའི་གྲོས་ཚོགས་གོང་མའི་འཐུས་མི་སྐུ་ཞབས་བྷོབ་བྷ་རོན་ (Bob Brown) མཆོག  ཨོ་སི་ཊོ་ལི་ཡའི་གྲོས་ཚོགས་ཀྱི་ཚོགས་གཞོན་སྐུ་ཞབས་ (Peter Slipper’s) པི་ཊར་སི་ལི་པར་མཆོག་གི་ལས་ཁུངས། ཨོ་སི་ཊོ་ལི་ཡ་བོད་དོན་ལྷན་ཚོགས། ཨོ་སི་ཊོ་ལི་ཡ་བོད་རིགས་མཐུན་ཚོགས་བཅས་ལ་འབྲེལ་གཏུགས་ཀྱིས།  བལ་ཡུལ་གཞུང་ནས་བཙན་འཕྲོག་བྱས་པའི་འོས་སྒམ་རྣམས་ཕྱིར་སློག་གནང་དགོས་པ་མ་ཟད།  ཕྱི་ལོ་ ༢༠༡༡ ཟླ་ ༣ ཚེས་ ༢༠ ཉིན་བཙན་བྱོལ་བོད་མིའི་བཀའ་སྤྱིའི་འོས་ཤོག་དངོས་གཞི་དེ་ཡང་བལ་ཡུལ་ནང་གནས་སྡོད་བྱེད་བཞིན་པའི་བོད་མི་ཚོར་འཕེན་འཇུག་དགོས་པ་ཨོ་སི་ཊོ་ལི་ཡའི་ནང་རྟེན་གཞི་བྱས་པའི་བལ་ཡུལ་གཞུང་ཚབ་བརྒྱུད་འབོད་སྐུལ་ཤུགས་ཆེ་གནང་རོགས་ཞེས་ཨོ་སི་ཊོ་ལི་ཡའི་བོད་གཞུང་སྐུ་ཚབ་དོན་ཁང་ནས་འབོད་སྐུལ་ཞུས་འདུག