༢༠༡༠ ཟླ་ ༡༠ ཚེས་ ༡༤ རེས་གཟའ་ཕུར་བུ།
༄༅། བཙན་བྱོལ་བོད་མིའི་བཅའ་ཁྲིམས་དོན་ཚན་བཞི་བཅུ་པ་ནང་གསལ་ལྟར་འཆར་ཕུལ་ཕྱག་རྟགས་རིན་པོ་ཆེ་སྤྱི་བསྩལ་དགོངས་དོན། སྐབས་བཅུ་བཞི་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་བཅུ་གཅིག་པ་ཕྱི་ལོ་ ༢༠༡༡ ཟླ་ ༣ ཚེས་ ༡༤ རེས་གཟའ་ཟླ་བ་ནས་ཚེས་ ༢༥ རེས་གཟའ་པ་སངས་བར་ལས་དུས་ཉིན་གྲངས་བཅུ་གཅིག་རིང་བཞུགས་སྒར་སྤྱི་འཐུས་ཚོགས་ཁང་དུ་འཚུག་གཏན་འཁེལ་སོང་ན། ཚོགས་མི་རྣམས་དུས་ཐོག་ཚོགས་བཅར་ཐོག སྤྱི་འཐུས་རྣམས་ཕྱི་ཟླ་ ༣ ཚེས་ ༡༣ ཉིན་ཚོགས་དྲུང་ལས་ཁུངས་སུ་ངོ་བཅར་འབྱོར་ཐོ་འགོད་འབུལ་དགོས་པ་བཅས་ཀྱི་ཚོགས་བརྡ་གསལ་བསྒྲགས་སུ། ཚོགས་དྲུང་ལས་ཁུངས་ནས་ཕྱི་ལོ་ ༢༠༡༠ ཟླ་ ༡༠ ཚེས་ ༡༣ ལ།
བརྡ་ཐོ་སྤྲིངས་ཡུལ།
༡༽ རང་གཞུང་བཀའ་བློན་ཁྲི་པས་དབུས་བཀའ་བློན་རྣམ་པ།
༢༽ བོད་མི་མང་སྤྱི་འཐུས་རྣམ་པ།
༣༽ བཞུགས་སྒར་དབུས་ལས་ཁུངས་ཁག
༤༽ གཞུང་འབྲེལ་ཚགས་ཤོག་ཁག
ཚོགས་བརྡ་གསལ་བསྒྲགས།
གསར་གནས།
འབྲེལ་གནས།
