༢༠༡༠ ཟླ་ ༡༠ ཚེས་ ༢༢ རེས་གཟའ་པ་སངས།
༅༅། །འདི་གར་དབྱིན་ཡུལ་སྐུ་ཚབ་དོན་གཅོད་ཁང་ནས་བཏང་གནས་ནང་འཁོད་དོན།
ཕྱི་ལོ་ ༢༠༡༠ ཟླ་ ༡༠ ཚེས་ ༡༨ ནས་ ༢༠ བར་དབྱིན་ཡུལ་སྐུ་ཚབ་དོན་གཅོད་ཐུབ་བསྟན་བསམ་གྲུབ་ལགས་ནས་ནོར་ཝེའི་རྒྱལ་ས་ ཨོ་སི་ལོར་ཕྱི་སྲིད་བློན་ཆེན་དང་གྲོས་ཚོགས་ཀྱི་ཚོགས་མི། ནོར་ཝེ་བོད་དོན་རྒྱབ་སྐྱོར་ཚོགས་པའི་ཚོགས་མི་རྣམ་པ། དེ་བཞིན་འགྲོ་བ་མིའི་ཐོབ་ཐང་སོགས་གཞུང་འབྲེལ་མ་ཡིན་པའི་ཚོགས་པ་ཁག་གི་སྐུ་ཚབ་རྣམ་པ་དང་མཇལ་འཕྲད་གནང་སྟེ་༸གོང་ས་མཆོག་དང་བཙན་བྱོལ་བོད་གཞུང་ནས་བོད་ཀྱི་གནད་དོན་སེལ་ཆེད་འཚེ་བ་མེད་པའི་བཞེངས་ཕྱོགས་སྐོར་ལ་གསལ་བཤད་གནང་ཡོད།
དེ་ཡང་ཕྱི་ཚེས་ ༡༩ ཉིན་སྐུ་ཞབས་ཐུབ་བསྟན་བསམ་གྲུབ་ལགས་ནས་ཨོ་སི་ལོ་གྲོས་ཚོགས་བོད་དོན་རྒྱབ་ སྐྱོར་ཚོགས་པའི་ཚོགས་གཙོ་སྐུ་ཞབས་ཨོ་ལི་མིཀ་ཐོ་མི་སེན་ Mr. Olemic Thommessen དང་ཨོ་སི་ལོ་ཕྱི་འབྲེལ་བདེ་དོན་ཚོགས་པའི་དྲུང་ཆེ་དང་མཇལ་འཕྲད་གནང། གོང་ཚེས་ཉིན་ནོར་ཝེ་འགྲོ་བ་མིའི་ཐོབ་ཐང་ཚོགས་ཁང་དུ་སྐུ་ཚབ་དོན་གཅོད་མཆོག་ནས་གཞུང་འབྲེལ་མ་ཡིན་པའི་ཚོགས་པ་ཁག་གི་ཚོགས་མི་རྣམས་དང་ལྷན་ཚོགས་འདུ་ཚོགས་གནང་བ་དེ་ལེགས་གྲུབ་བྱུང་ཡོད། ཚོགས་བཅར་བ་རྣམས་ནས་ཀྱང་མ་འོངས་པར་བོད་དོན་ཐོག་ཕྱག་ལས་གཏིང་ཟབ་ཏུ་གཏོང་རྒྱུའི་འདོད་བློ་ཡོད་སྐོར་གསུངས་འདུག དེ་རྗེས་ནོར་ཝེར་གནས་སྡོད་བོད་མི་རྣམས་ལ་མཇལ་འཕྲད་དང་གྲོས་མོས་ཀྱང་གནང་ཡོད།
ཕྱི་ཚེས་ ༢༠ རེས་གཟའ་ལྷག་པའི་ཉིན་སྐུ་ཚབ་དོན་གཅོད་ནས་ནོར་ཝེའི་ཆབ་སྲིད་ཚོགས་པ་ཁ་ཤས་ཀྱི་ སྐུ་ཚབ་དང་ལྷན་ཚོགས་འདུ་ཚོགས་ཡོད།
ལས་འཆར་འདིའི་འབྲེལ་མཐུད་པ་ནོར་ཝེ་བོད་དོན་རྒྱབ་སྐྱོར་ཚོགས་པའི་སྤྱི་ཁྱབ་འགན་འཛིན་ཆུང་དག་ཀོ་རེན་ལགས་ནས་སྐུ་ཚབ་དོན་གཅོད་མཆོག་གིས་ཨོ་སི་ལོར་ཕེབས་ཏེ་དུས་ཡུན་ཐུང་ངུ་ཞིག་གི་ནང་ཕྱག་ལས་གཞི་རྒྱ་ཆེན་པོ་ཞིག་ལེགས་གྲུབ་བྱུང་ཡོད་སྐོར་གསུངས་ཡོད། སྐུ་ཚབ་དོན་གཅོད་མཆོག་ནས་ཀྱང་ཁོང་རང་ཨོ་སི་ལོར་ཕེབས་ཏེ་ནོར་ཝེ་གཞུང་གི་ལས་བྱེད་དང། གཞུང་འབྲེལ་མ་ཡིན་པའི་ཚོགས་པ་ཁག་གི་ཚོགས་མི་རྣམ་པ་དང་མཇལ་འཕྲད་དོན་སྙིང་ལྡན་པ་ཞིག་བྱུང་ཡོད་སྐོར་དང། དེ་བཞིན་ནོར་ཝེ་བོད་དོན་རྒྱབ་སྐྱོར་ཚོགས་པས་ད་བར་བོད་དོན་ཆེད་ཕྱག་ལས་གནང་བར་ཐུགས་རྗེ་ཆེ་ཞུ་གི་ཡིན་ཞེས་གསུངས་ཡོད།
དབྱིན་ཡུལ་སྐུ་ཚབ་དོན་གཅོད་མཆོག་ནོར་ཝེའི་རྒྱལ་ས་ཨོ་སི་ལོའི་ཕྱོགས་བསྐྱོད་ལེགས་གྲུབ་བྱུང་བ།
གསར་གནས།
![](https://bod.asia/wp-content/uploads/2017/08/cropped-Central_Tibetan_Admin_Logo-1-370x370.jpeg)
འབྲེལ་གནས།
![](https://bod.asia/wp-content/uploads/2017/08/cropped-Central_Tibetan_Admin_Logo-1-370x370.jpeg)