༢༠༡༠ ཟླ་ ༡༠ ཚེས་ ༡༤ རེས་གཟའ་ཕུར་བུ།
༄༅། རང་གཞུང་ལས་ཁུངས་ཁག་གི་ཆེད་དགོས་མཁོ་ཇི་བཞིན་ཁྱད་ལས་པའི་ལས་བྱེད་གཤམ་གསལ་ལྟར་གསར་འདེམས་བསྐོ་གཞག་གནང་རྒྱུ་ཡིན་ན། གཤམ་གསལ་ཆ་རྐྱེན་ཚང་ཞིང་དོན་དམ་སྲི་ཞུའི་ལས་བྱེད་དུ་ཞུགས་ཏེ་ཞབས་ཞུ་མུ་མཐུད་ཞུ་འདོད་ཡོད་རིགས་ནས་གཤམ་གསལ་ཁ་བྱང་ཐོག་འཚང་སྙན་འབུལ་འཐུས།
༡༽ ཤེས་རིག་ལས་ཁུངས་ཆེད་ཁྱད་ལས་པའི་དྲུང་གཞོན་ ༡ གི་དགོས་ངེས་ཆ་རྐྱེན།
ལས་འགན། ཚན་རིག་གི་ཤེས་ཡོན་འགན་འཛིན། (Education Officer for Science)
ཤེས་ཚད། ཉུང་མཐར་ཚན་རིག་ཐོག་གཙུག་ལག་རབ་འབྱམས་པ་ ( M.Sc.) ཨང་རིམ་གཉིས་པ་ཡན་ཐོན་པ་དང་། འབྲིང་རིམ་དགེ་རྒན་འོས་སྦྱོང་(B.Ed.)ཨང་རིམ་དང་པོ་ཐོན་པ།
ལོ་ཚད། ༢༠༡༠།༡༡།༢༠ ཉིན་རང་ལོ་ ༣༥ ལས་མ་བརྒལ་བ།
ཉམས་མྱོང་། སློབ་གྲའི་ནང་ཚན་རིག་སློབ་འཁྲིད་ཉམས་མྱོང་ཉུང་མཐར་ལོ་ ༥ ཡོད་པ།
རྒྱུགས་གཞི། ཆ་རྐྱེན་ཚང་བའི་མི་འགྲོ་གཅིག་ལས་མང་བ་ཡོད་ཚེ་ངག་རྒྱུགས་ཀྱི་ལམ་ནས་དྲག་འདེམས་ཀྱིས་བསྐོ་གཞག་གནང་རྒྱུ་ཡིན།
༢༽ཤེས་རིག་ལས་ཁུངས་ཆེད་ཁྱད་ལས་པའི་དྲུང་གཞོན་ལས་རོགས་ ༢ ཀྱི་དགོས་ངེས་ཆ་རྐྱེན།
༢-ཀ༽ལས་འགན། བོད་ཡིག་ཤེས་ཡོན་རྟོགས་ཞིབ་པ། (Education Officer for Tibetan)
ཤེས་ཚད། (༡) ཉུང་མཐར་གཙུག་ལག་རབ་འབྱམ་པ་ (Master Degree) ཨང་རིམ་གཉིས་པ་ཡན་ཐོན་པའམ་དེ་དང་མཉམ་པའི་ཤེས་ཚད་ལག་འཁྱེར་ཡོད་ཐོག་འབྲིང་རིམ་དགེ་འོས་ (B.Ed.) ཐོན་པ།
(༢) བོད་ཀྱི་སྐད་ཡིག་རིག་གནས་ཐོག M.A ཚད་མཉམ་ལག་འཁྱེར་ཚད་ལྡན་ཡོད་པ།
ཉམས་མྱོང་། བོད་ཡིག་སློབ་འཁྲིད་ཐོག་ཉུང་མཐར་ལོ་ ༣ གྱི་ཉམས་མྱོང་ཡོད་པ།
ལོ་ཚད། ༢༠༡༠།༡༡།༢༠ ཉིན་རང་ལོ་ ༣༥ ལས་མ་བརྒལ་བ།
རྒྱུགས་གཞི། ཆ་རྐྱེན་ཚང་བའི་མི་འགྲོ་གཅིག་ལས་མང་བ་ཡོད་ཚེ་ངག་རྒྱུགས་ཀྱི་ལམ་ནས་དྲག་འདེམས་ཀྱིས་བསྐོ་གཞག་གནང་རྒྱུ།
༢-ཁ༽ལས་འགན། དམིགས་བསལ་ཤེས་ཡོན་དང་ལས་རིགས་སློབ་སྦྱོང་གི་ཤེས་ཡོན་རྟོག་ཞིབ་པ། (Education Officer for Special Education and Vocational Studies)
ཤེས་ཚད། ཉུང་མཐར་ཤེས་ཡོན་རིག་པའི་ཐོག་གཙུག་ལག་རབ་འབྱམས་པ་ (M.A in Education) ཨང་རིམ་གཉིས་པ་ཡན་ཡོད་ཐོག་དམིགས་བསལ་ཤེས་ཡོན་ Special Educationཐོག་ཟླ་དྲུག་ཡན་གྱི་སྦྱོང་བརྡར་ཐོན་པའི་ལག་འཁྱེར་ཚད་ལྡན་ཡོད་པ་ཡང་ན་གཙུག་ལག་རབ་འབྱམས་པ་ (Master Degree) ཨང་རིམ་གཉིས་པ་ཡན་ཐོན་པའི་ཐོག་དམིགས་བསལ་ཤེས་ཡོན་ (Special Education) ཐོག་ཟླ་དྲུག་ཡན་གི་སྦྱོང་བརྡར་ལག་འཁྱེར་ཚད་ལྡན་ཡོད་པ།
ཉམས་མྱོང་། དམིགས་བསལ་ཤེས་ཡོན་ནམ་ལས་རིགས་སློབ་འཁྲིད་གང་རུང་ཐོག་ཉམས་མྱོང་ཡོད་པ།
ལོ་ཚད། ༢༠༡༠།༡༡།༢༠ ཉིན་རང་ལོ་ ༣༥ ལས་མ་བརྒལ་བ།
རྒྱུགས་གཞི། ཆ་རྐྱེན་ཚང་བའི་མི་འགྲོ་གཅིག་ལས་མང་བ་ཡོད་ཚེ་ངག་རྒྱུགས་ཀྱི་ལམ་ནས་དྲགས་འདེམས་ཀྱིས་བསྐོ་གཞག་གནང་རྒྱུ།གོང་གསལ་ཆ་རྐྱེན་ལྡན་རིགས་ནས་འདི་ག་ལྷན་ཁང་དང་། ས་གནས་འགོ་འཛིན་ལས་ཁང་། རང་གཞུང་གི་དྲ་རྒྱ་(www.tibet.net) བཅས་ནས་གཏན་འབེབས་ཡོད་པའི་འཚང་སྙན་འགེངས་ཤོག་ཞུས་ཏེ་དེའི་ནང་གི་དགོས་ངེས་ཆ་རྐྱེན་འཚེམས་ལུས་མེད་པ་འཐུས་ཚང་བཀང་སྟེ།
༡༽ རང་ཉིད་ཀྱི་ད་ལྟའི་ཕྱེད་པར་ཚོན་ལྡན་ ༢ རེ་དང་།
༢༽ ཤེས་ཚད་ཨང་ཤོག་དང་ལག་འཁྱེར་ངོ་བཤུས། (Marksheet & Certificate)
༣༽ འབུལ་འབབ་གཙང་འབུལ་ཟིན་པའི་དཔྱ་ཁྲལ་ལག་དེབ་ཀྱི་ཤོག་གྲངས་དང་པོ་དང་མཐའ་མའི་ངོ་བཤུས།
༤༽ གནས་ཡུལ་རྒྱལ་ཁབ་ཏུ་ཁྲིམས་མཐུན་གནས་སྡོད་ཆོག་པའི་ལག་འཁྱེར་གྱི་ཤོག་གྲངས་དང་པོ་དང་མཐའ་མའི་ངོ་བཤུས།
༥༽ སྐྱེས་ཚེས་ལག་འཁྱེར་རམ་འཛིན་རིམ་ ༡༠ པ་ཐོན་པའི་ལག་འཁྱེར་ནང་རང་ཉིད་ཀྱི་སྐྱེས་ཚེས་གསལ་བ་གང་རུང་གི་ངོ་བཤུས།
༦༽ བོད་གཞུང་འཕྲོད་བསྟེན་ལས་ཁུངས་ཁྱབ་ཁོངས་རྒྱ་བོད་སྨན་ཁང་ཡོད་ན་དང་། དེ་མིན་སྨན་ཁང་ཚད་ལྡན་གང་རུང་ནས་ནད་གཅོང་དང་འགོས་ནད་རིགས་མེད་པར་གཟུགས་བབ་ལས་འཕེར་ཡིན་པའི་སྨན་པའི་ངོས་སྦྱོར་ཁ་གསར་ཐོག་འདྲ་དཔར་ཚོན་ཁྲ་ཅན་མཉམ་སྦྱོར་ལ་དག་མཆན་ལས་དམ་འཁོད་པ།རྡ་ས་བདེ་ལེགས་སྨན་ཁང་གི་ངོས་སྦྱོར་ཡིན་ན་སྨན་པ་ས་འདུ་ཚེ་བརྟེན་རྡོ་རྗེའི་ངོས་སྦྱོར་ཞུ་དགོས།
༧༽ འབྲེལ་ཡོད་ས་གནས་འགོ་འཛིན་ནས་བྱ་སྤྱོད་ཐལ་སྐྱོན་མེད་པའི་ངོས་སྦྱོར་ངོ་མ།
༨༽ ད་ལྟ་ལས་ཀ་བྱེད་མུས་ཡིན་ཚེ་ལས་ཡུལ་སྡེ་ཚན་ནས་དགག་ཆ་མེད་པའི་ངོས་སྦྱོར་ངོ་མ། གོང་གསལ་ཡིག་ཆའི་ངོ་བཤུས་ཁག་ལ་འབྲེལ་ཡོད་ས་གནས་འགོ་འཛིན་ནམ་གཞུང་ཞབས་ཟུང་དྲུང་ཡན་ནས་དག་ཆན་ལས་དམ་(Attestation)ཞུས་ཏེ་འཚང་སྙན་མཉམ་ ༢༠༡༠ ཟླ་ ༡༡ ཚེས་ ༢༠ འགྱངས་མེད་རང་ཉིད་ཀྱི་ཁྱིམ་གཞིས་དང་སླད་འབྲེལ་བ་གནང་བདེའི་ཁ་བྱང་དང་། ཁ་དཔར་ཨང་། གློག་འཕྲིན་ (E-Mail) ཁ་བྱང་སོགས་གང་ཡོད་ཁ་གསལ་བཀོད་དེ་གཤམ་གསལ་དྲུང་ཆེའི་མཚན་བྱང་ཐོག་འབུལ་ཐུབ་པ་དགོས་རྒྱུ། གོང་གསལ་དུས་བཀག་རྗེས་འཚང་སྙན་འབུལ་འབྱོར་རིགས་རང་བཞིན་གྱིས་རྩིས་མེད་འགྲོ་རྒྱུ། དུས་ཐོག་འབྱོར་རིགས་རྣམས་ལ་ཞིབ་འཇུག་ཚོགས་ཆུང་ནས་ཞིབ་འཇུག་དང་འབྲེལ་འོས་ཆོས་ལྡན་པ་ཚོར་དུས་ཐོག་འབོད་བརྡ་བྱ་རྒྱུར་སྐབས་བསྟུན་ལག་འཁྱེར་སོགས་ཡིག་ཆ་ངོ་མ་ཁག་མཉམ་འཁྱེར་གྱིས་ཡིག་རྒྱུགས་གཏོང་རྒྱུར་འབོད་བརྡ་འབྱོར་བསྟུན་འབྱོར་ཐོ་འགོད་རྒྱུའི་ཐོག་ཡིག་རྒྱུགས་བཞེས་རྒྱུ་བཅས་ཀྱི་གསལ་བསྒྲགས་སུ། གཞུང་ཞབས་འདེམས་བསྐོ་ལྷན་ཁང་ནས་ ༢༠༡༠ ཟླ་ ༡༠ ཚེ་ ༡༤ ལ།།
The Secretary
Public Service Commission,
Central Tibetan Administration
Gangchen Kyishong, Dharamsala-176215
Distt.Kangra (H.P)
Telefax: 01892-226240/222328
E-mail: [email protected]
