༢༠༡༠ ཟླ་ ༩ ཚེས་ ༢༩ རེས་གཟའ་ལྷག་པ།
༅༅། །འདི་གར་བོད་གཞུང་འཕྲོད་བསྟེན་ལས་ཁུངས་ནས་བཏང་གནས་ནང་འཁོད་དོན། བཙན་བྱོལ་བོད་གཞུང་བཀའ་ཤག་གི་འཕྲོད་བསྟེན་དང་འབྲེལ་བའི་ལས་དོན་རྣམས་ཤིན་ཏུ་གལ་ཆེར་ངོས་འཛིན་གནང་སྟེ་འཛམ་གླིང་ཁྱོན་ཡོངས་ལ་གཉན་ནད་རེག་དུག་དང་མྱོས་རྫས་ངན་གོམས་གཉིས་ཁྱབ་འཕེལ་འགྲོ་བཞིན་པའི་དཀའ་ངལ་དེ་དག་རང་རེའི་སྤྱི་ཚོགས་ནང་སྔོན་འགོག་གནང་རྒྱུ་ཁོ་ནའི་ཆེད་སྔ་ལོ་ནས་བཟུང་གོང་གསལ་གནད་དེ་དག་སྐོར་མང་ཚོགས་ནང་གོ་རྟོགས༌སྤེལ་རྒྱུའི་ལས་འགུལ་རྒྱ་གང་ཆེ་སྤེལ་བཞིན་ཡོད་པ་ལྟར་ཕྱི་ལོ་ ༢༠༡༠ ཟླ་ ༡༠ ཚེས་ ༤ ནས་ ༡༥ བར་སྡེ་ར་ལྡུན་གླིང་ཚང་གཞིས་ཆགས་དང་སེ་ལ་ཁུའི་བོད་ཁྱིམ་སློབ་གྲྭ་དང་། ལག་ཤེས་སྦྱོང་བརྡར་སློབ་གྲྭ ཧི་མ་ཅལ་མངའ་སྡེ་ཁུལ་སྤུ་རུ་ཝ་ལ། ཀུམ་རའོ། ས་ཊོན། ཌོ་ལན་ཇི། སིམ་ལ། ཀུ་ལུ་མ་ན་ལི། མན་ཌི། རྡ་སྟེང་བོད་ཁྱིམ། རྡ་ཤོད་བོད་ཁྱིམ། གྷོ་པལ་པུར་བོད་ཁྱིམ། ཌལ་ཧོར་བཅས་སློབ་གྲྭ་ཁག་དང། ས་གནས་མི་མང་རྣམས་ལ་མྱོས་རྫས་ངན་གོམས་དང་གཉན་ནད་རེག་དུག་སྔོན་འགོག་དང་བཅོས་ཐབས་ཀྱི་སྐོར་སྡེ་ར་ལྡུན་ཞི་བདེ་ཁང་གསར་ནས་མྱོས་རྫས་ངན་གོམས་ལས་གྲོལ་ཟིན་པའི་ནད་པ་གཉིས་དང། འཕྲོས་བསྟེན་གྱི་འབྲེལ་ཡོད་ལས་བྱེད་བློ་བཟང་དར་རྒྱས་བཅས་ཆེད་གཏོང་གིས་བོད་མིའི་ཁྲོད་དུ་གོ་རྟོགས་ལས་འགུལ་དང་སློབ་གསོ་ལམ་སྟོན་གནང་རྒྱུའི་ཆེད་ཕྱི་ཟླ་ ༡༠ ཚེས་ ༣ ཉིན་རྡ་ས་ནས་ཕེབས་ཐོན་གནང་རྒྱུ་ཡིན་འདུག་པ་བཅས།།
