༢༠༡༠ ཟླ་ ༩ ཚེས་ ༡ རེས་གཟའ་ལྷག་པ།
༄༅། །འདི་ག་ཕྱི་དྲིལ་ལས་ཁུངས་ཀྱི་རྒྱ་ཡིག་ཚན་པ་དང་ཀམ་པུ་ཊར་སྡེ་ཚན་གྱི་ཆེད་ལས་མི་སྣ་བཅས་ཀྱིས་མཉམ་སྦྲེལ་ཐོག་དེ་སྔ་ཡོད་བཞིན་པའི་རྒྱ་ཡིག་དྲ་གནས་དང་བཟོ་བཀོད་ལ་ལེགས་བཅོས་ཤུགས་ཆེ་ཙམ་བྱས་པའི་རྒྱ་ཡིག་གི་བོད་ཀྱི་དྲ་གནས་ཞེས་པ་འདི་ཕྱི་ལོ་ ༢༠༡༠ ཟླ་ ༩ ཚེས་ ༢ ཉིན་བོད་ཀྱི་མང་གཙོའི་དུས་ཚིགས་ཁྱད་པར་ཅན་དང་སྟབས་བསྟུན་དབུ་འབྱེད་བྱ་རྒྱུ་ཡིན་པས་རྒྱ་ཆེའི་རྒྱ་ཡིག་ཐོག་དྲ་རྒྱ་གཟིགས་ཀློག་གནང་མཁན་རྣམས་ནས་དགོངས་འཇགས་ཀྱི་འདི་གའི་དྲ་རྒྱའི་རྣམ་པ་གསར་པར་གཟིགས་རྒྱུ་མ་བསྙེལ་བ་གནང་རོགས་ཞུ་རྒྱུ་ཡིན། རྒྱ་ཡིག་ཐོག་གི་བོད་ཀྱི་དྲ་གནས་འདིའི་ནང་ལེའུ་ཁག་འགའ་ཞིག་ཡོད་པའི་ནང་ནས། ༸གོང་ས་མཆོག་གི་བྱམས་བརྩེ་དང་ཤེས་རབ་ཅེས་པ་དང་། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་མཛད་འཕྲིན་སྙིང་བསྡུས། བཙན་བྱོལ་བོད་གཞུང་གི་སྐོར། བོད་དང་འཛམ་གླིང་། གསར་འགྱུར་དང་པར་རིགས། བོད་ནང་གི་འགྲོ་བ་མིའི་ཐོབ་ཐང་སོགས་ཀྱི་ལེའུ་དང་གནས་ཚུལ་མང་ཡོད་འདུག་པ་ཞུ་རྒྱུ་བཅས།།
