༢༠༡༠ ཟླ་ ༩ ཚེས་ ༡༠ རེས་གཟའ་པ་སངས།

༅༅། །ཕྱི་ལོ་ ༢༠༡༠ ཟླ་ ༩ ཚེས༌ ༦ ནས་ཚེས་ ༩ བར་ཉིན་བཞིའི་རིང་བཙན་བྱོལ་བོད་གཞུང་འཕྲོད་བསྟེན་ལས་ཁུངས་ནས་གོ་སྒྲིག་འོག་བོད་གཞུང་ཕྱི་དྲིལ་ལས་ཁུངས་ཀྱི་ལྷག་པ་ཚེ་རིང་དྲན་རྟེན་ཚོགས་ཁང་དུ་བོད་གཞུང་བདེ་ལེགས་སྨན་ཁང་དང་ཁྱབ་ཁོངས་བོད་མིའི་གཞིས་སྒར་ཕྱི་ལུགས་སྨན་ཁང་ཁག་ ༦ ཙམ་ནས་སྨན་པ་ ༨ དང་། སྨན་ཞབས་ ༡༡ ཙམ་ལ་འཕྲོད་བསྟེན་གྲངས་ཐོའི་ལས་གཞི་ (Health Information System)གསར་པའི་ཐོག་སྦྱོང་བརྡར་སྤྲད་ཡོད། སྦྱོང་བརྡར་སྤྲོད་མཁན་ཤེས་ཡོན་གྱི་མི་སྣ་ཨ་རི་ཇོན་ཧོཔ་ཀིན་སི་གཙུག་ལག་སློབ་གྲྭ་ (John Hopkins University) ནས་སྨན་པ་ཨེ་ལེཀ་སེ་ཝུ་ (Dr. Alex Vu) དང་ཀི་མན་ཕམ་ (Dr. Kiemann Pham) གཉིས། དེ་བཞིན་ཨོ་སི་ཊོ་ལི་ཡ་ (Inventerprising Ltd) ནས་ཁྱད་ལས་པ་སྐུ་ཞབས་ན་ཡེ་ཇིལ་གི་རི་ཕིཏ་ (Mr Nigel Griffith,IT Expert) བོད་གཞུང་བདེ་ལེགས་སྨན་ཁང་ནས་སྨན་པ་བློ་བཟང་ཚེ་རིང་བཅས་ཡིན་འདུག

དེ་ཡང་འཕྲོད་བསྟེན་གྲངས་ཐོའི་ལས་གཞི་གསར་པ་དེ་ནི་བེད་སྤྱོད་གཏོང་ཐབས་བདེ་པོ་དང་། སྨན་ཁང་སོ་སོར་ནད་པའི་ངོ་སྤྲོད་ལག་འཁྱེར་ཨང་གྲངས། འཕྲོད་བསྟེན་གྱི་གནས་སྟངས། ནད་གཞིའི་དབྱེ་བ་སོགས་ཀྱི་འཆར་འགོད་བྱེད་རྒྱུ་ཁྱད་ཆོས་མི་འདྲ་བ་ཡོད་པའི་ས་གནས་མི་མང་ཚོར་འཕྲོད་བསྟེན་ཐོག་གོ་རྟོགས་སྤེལ་རྒྱུ། འཕྲོད་བསྟེན་དང་འབྲེལ་བའི་ཐེ་བྱུས་དང་ཐག་གཅོད་བྱེད་རྒྱུར་ཕན་ཐོགས་ཆེན་པོ་ཡོད། བོད་མི་གཞིས་སྒར་ཁག་ནས་ཕེབས་པའི་སྨན་པ་དང་སྨན་ཞབས་རྣམས་ནས་སྦྱོང་བརྡར་གྲུབ་རྗེས་རང་གི་ས་གནས་སྨན་ཁང་གི་སྨན་ཞབས་དང་སྨན་ཁང་གི་ལས་བྱེད་གཞན་རྣམས་ལ་སྦྱོང་བརྡར་སྤྲོད་རྒྱུ་ཡིན་འདུག