༢༠༡༠ ཟླ་ ༨ ཚེས་ ༣༠ རེས་གཟའ་ཟླ་བ
༄༅། །ཕྱི་ལོ་ ༢༠༡༠ ཟླ་ ༨ ཚེས་ ༢༨ ནས་ ༢༩ བཅས་ཉིན་གཉིས་རིང་བཙན་བྱོལ་བོད་གཞུང་ཕྱི་དྲིལ་འགྲེམས་སྟོན་ཚན་པས་པར་རིགས་དང་གློག་བརྙན་གྱི་ལམ་ནས་བོད་དོན་དྲིལ་བསྒྲགས་རྒྱ་ཆེ་གནང་ཡོད། དེ་ཡང་ཕྱི་ཚེས་ ༢༨ ཉིན་གྱི་སྔ་དྲོ་ཆུ་ཚོད་ ༩།༣༠ ཐོག་རྒྱ་གར་ལྷོ་ཕྱོགས་ཧུན་སུར་རབ་རྒྱས་གླིང་གཞིས་ཆགས་སུ་རྟེན་གཞི་བྱས་པའི་རྒྱུད་སྨད་གྲྭ་ཚང་གི་བླ་མ་དབུ་མཛད་མཆོག་དང་ས་གནས་འགོ་འཛིན་བྱམས་པ་ཕུན་ཚོགས་ལག་རྣམ་གཉིས་ཀྱིས་གཞིས་ཆགས་ཚོགས་ཁང་ནང་པར་རིགས་ཀྱི་འགྲེམས་སྟོན་དབུ་འབྱེད་གནང་སྐབས་ས་གནས་བོད་མི་མང་ཚོགས་གྲངས ༣༠༠ བརྒལ་བ་ཕེབས་འདུག
ཉིན་གཉིས་ཀྱི་འགྲེམས་སྟོན་སྐབས་རྒྱུད་སྨད་གྲྭ་ཚང་དང་རྫོང་ཀར་ཆོས་སྡེའི་དགེ་འདུན་པ་རྣམས་དང་། ཧུན་སུར་གཞིས་ཆགས་ཀྱི་དབུས་བོད་སློབ་འཛིན་ཚོགས་ཀྱི་དགེ་ལས་སློབ་ཕྲུག་རྣམས་པ་དང་ས་གནས་བོད་མི་བཅས་ཁྱོན་མི་གྲངས་ ༡༥༠༠ བརྒལ་བ་ཙམ་འདུ་འཛོམས་ཀྱིས་པར་རིགས་དང་གློག་བརྙན་ལ་དོ་སྣང་ཆེན་པོ་གནང་འདུག
བཀྲ་ཤིས་ཕུན་ཚོགས་ལགས་ཀྱིས་པར་རིགས་ངོ་སྤྲོད་གནང་བཞིན་པ།
ཕྱི་དྲིལ་འགྲེམས་སྟོན་ཚན་པས་ཧུན་སུར་ཁུལ་དུ་འགྲེམས་སྟོན་ལེགས་པར་གྲུབ་མཚམས་རྒྱ་གར་ལྷོ་ཕྱོགས་སྦེལ་ཀོབ་གཞིས་ཆགས་སུ་ཕེབས་ཏེ་ཕྱི་ཚེས་ ༣༡ ནས་ཟླ་ ༩ ཚེས་ ༢ བར་སེ་ར་ཆོས་སྒར་དུ་པར་རིགས་འགྲེམས་སྟོན་གནང་འཆར་འདུག་པ་བཅས།།
