༢༠༡༠ ཕྱི་ཟླ་ ༧ ཚེས་ ༣ རེས་གཟའ་སྤེན་པ།
༄༅། བོད་མི་མང་སྤྱི་འཐུས་དགེ་བཤེས་ཚེ་རིང་པོ་ལགས་ནས་འདི་གར་བཏང་གནས་ནང་འཁོད་དོན། ཕྱི་ལོ་ ༢༠༡༠ ཟླ་ ༦ ཚེས་ ༦ ནས་ཉིན་བཅུའི་རིང་སྤྱི་འཐུས་དགེ་བཤེས་ཚེ་རིང་པོ་ལགས་ཀྱིས་རྡ་སའི་ཉེ་འགྲམ་གྱི་དགོན་སྡེ་གྲྭ་ཚང་དང་སློབ་གྲྭ་ཆེ་ཆུང་། དེ་བཞིན་འབིར་དང་། ཅོན་ཏ་ར། བཀྲིས་ལྗོངས་བཅས་གཞིས་ཆགས་ཁག་གཅིག་གི་ནང་ཆེད་བསྐྱོད་ཀྱིས་ཆབ་སྲིད་དང་འབྲེལ་བའི་གནད་དོན་དང་། གྲོས་ཚོགས་ལས་རིམ། མང་གཙོ་དང་འབྲེལ་བའི་སྐོར། མང་ཚོགས་ཀྱི་བདེ་སྡུག་ལ་འཛིན་སྐྱོང་ནས་ཕྱག་ལེན་གནང་ཕྱོགས་སོགས་ཀྱི་བརྗོད་གཞིའི་སྐོར་ལ་ལམ་སྟོན་གནང་ཡོད་པ་དང་། དེ་བཞིན་ཟླ་ ༦ ཚེས་ ༢༨ ནས་ཟླ་ ༧ ཚེས་ ༡༢ བར་མན་ཌི་སྤོན་ཌོ་བཀྲ་ཤིས་གླིང་དང་། ཀུ་ལུ་མ་ན་ལི། སིམ་ལ་སོ་ལན་བོན་གཞིས་བཅས་སུ་སྐོར་བསྐྱོད་གནང་བཞིན་པ་ཡིན་འདུག་པ་བཅས་ཀྱི་གནད་བསྡུས་སུ།
