༢༠༡༠ ཟླ་ ༧ ཚེས་ ༩ རེས་གཟའ་པ་སངས།
༄༅། །
ཟློས་གར་འཁྲབ་སྟོན་འགན་འཛིན་བློ་བཟང་བསམ་གཏན་ལགས། བོད་གཞུང་ཟློས་གར་གྱི་སློབ་དགེ་རྣམ་པ་དང་ཤེས་རིག་འབྲེལ་ཡོད་ལས་བྱེད་བཅས་ཕེབས་ཡོད། ཐོག་མར་ཤེས་ཡོན་འགན་འཛིན་ཚེ་རིང་བསམ་གྲུབ་ལགས་ནས་ཕེབས་བསུ་དང་འོས་སྦྱོང་ངོ་སྤྲོད་གནང་བ་དང་། དེའི་རྗེས་འོས་སྦྱོང་པ་སོ་སོའི་ངོ་སྤྲོད་གནང་། བོད་གཞུང་ཟློས་གར་གྱི་འཁྲབ་སྟོན་འགན་འཛིན་བློ་བཟང་བསམ་གཏན་ལགས་ནས་ད་བར་གྱི་ཟློས་དགེ་འོས་སྦྱོང་སྔ་རྗེས་ཀྱི་ལོ་རྒྱུས་དང་། ལོ་གཅིག་གི་སློབ་ཚན། འོས་སྦྱོང་པ་རྣམས་ཀྱི་སྒོ་གསུམ་བྱེད་སྒོ་ཁག་གི་སྐོར་གསུང་བཤད་གནང་། དེ་ནས་སྐུ་མགྲོན་གཙོ་བོ་ཤེས་རིག་བཀའ་བློན་མཆོག་ནས་འོས་སྦྱོང་དབུ་འབྱེད་ཀྱི་གསུང་བཤད་ནང་། འོས་སྦྱོང་གི་གལ་འགངས་དང་དགེ་རྒན་གྱི་ལས་འགན། མ་འོངས་པར་ཟློས་དགེ་ཚད་ལྡན་ཞིག་ཡོང་ཐབས་བཅས་ཀྱི་ལམ་སྟོན་བཀའ་སློབ་ཟབ་རྒྱས་གནང་ཡོད། དེའི་རྗེས་ཤེས་རིག་དྲུང་ལས་སྐལ་བཟང་རིན་ཆེན་ལགས་ནས་བོད་གཞུང་ཟློས་གར་གཙོས་པའི་སྐུ་མགྲོན་རྣམ་པར་ཐུགས་རྗེ་ཆེ་ཞུའི་གསུང་བཤད་གནང་ནས་དབུ་འབྱེད་མཛད་སྒོ་ལེགས་གྲུབ་བྱུང་བ་ཡོད། ད་ལན་འོས་སྦྱོང་ཁོངས་སུ་སློབ་མ་བུ་ ༡༠ དང་བུ་མོ་ ༡༠ བཅས་འདེམས་བསྒྲུགས་གནང་ཡོད་པ་དང་འོས་སྦྱོང་དེ་བཞིན་ཕྱི་ལོ་ ༢༠༡༡ ཟླ་ ༦ ཚེས་ ༣༠ སློབ་ཐོན་བྱ་རྒྱུ་ཡིན་པ་བཅས།།
