༸གོང་ས་༸སྐྱབས་མགོན་ཆེན་པོ་མཆོག

༄༅། །གངས་ལྗོངས་ཆོས་སྲིད་གཉིས་ཀྱི་བླ་ན་མེད་པའི་དབུ་ཁྲིད་འཛམ་གླིང་ཞི་བདེའི་དེད་དཔོན། སྤྱི་ནོར་༸གོང་ས་༸སྐྱབས་མགོན་༸རྒྱལ་བའི་དབང་པོ་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་ད་ལམ་རང་ལུགས་ལྟར་ན་དགུང་གྲངས་བདུན་ཅུ་དོན་དྲུག་དང་ཕྱི་ལུགས་སུ་དོན་ལྔར་ཕེབས་པའི་སྐུའི་འཁྲུངས་སྐར་སྐལ་བཟང་དགའ་སྟོན་གྱི་ཉིན་མོར་ང་ཚོས་གཞིས་བྱེས་བོད་མི་ཡོངས་ཀྱི་ཚབ་ཞུས་ཏེ་མགོན་པོ་གང་ཉིད་མཆོག་སྐུ་ཚེ་༸ཞབས་པད་རྡོ་རྗེའི་ཁམས་སུ་བརྟན་ཅིང་། ཐུགས་ཀྱི་བཞེད་དགོངས་མཐའ་དག་འབད་མེད་ལྷུན་གྱིས་འགྲུབ་པའི་བཀྲ་ཤིས་བདེ་ལེགས་ཞུ་བ་དང་ཆབས་ཅིག སྐུ་ཚེའི་མཛད་འཕྲིན་རྣམས་རྒྱས་པའི་སྨོན་འདུན་ཞུ་རྒྱུ་ཡིན།།