༢༠༡༠ ཕྱི་ཟླ་ ༦ ཚེས་ ༡༡ རེས་གཟའ་པ་སངས།
༄༅། །འདི་གར་བོད་གཞུང་འཕྲོད་བསྟེན་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༡༠ ཟླ་ ༤ དང་ ༥ པའི་ནང་བོད་གཞུང་འཕྲོད་བསྟེན་ལས་ཁུངས་དང་དབུས་སྨན་རྩིས་ཁང་ཟུང་འབྲེལ་ཐོག་རང་རེའི་སྤྱི་ཚོགས་ནང་གཉན་ནད་རེག་དུག་གི་ནད་གཞིའི་སྐོར་གོ་རྟོགས་སྤེལ་ཆེད་དབུས་སྨན་རྩིས་ཁང་གི་སྨན་རམས་པ་པལྨ་རྡོ་རྗེ་ལགས་ནས་བོད་ལུགས་གསོ་རིག་ཐོག་ནས་གཉན་ནད་རེག་དུག་དང་། མཆིན་པའི་གཉན་ཚད། རྣམ་ཀུན་ནས་མི་ཚེའི་ནང་ཟས་སྤྱོད་ཚུལ་བཞིན་བསྟེན་ཕྱོགས་ལམ་སྟོན་གསུང་བཤད་དང་། ཞོར་དུ་ནད་པ་གྲངས་ ༤༠༠༠ བརྒལ་བར་བརྟག་དཔྱད་གནང་ཡོད། དེ་བཞིན་བོད་གཞུང་འཕྲོད་བསྟེན་ལས་ཁུངས་ཀྱི་དྲུང་ལས་སྐལ་བཟང་ལྷ་མོ་ལགས་ནས་གཉན་ནད་རེག་དུག་དང་། མྱོས་རྫས་ངན་གོམས། གཅིན་སྙི་ནད་གཞི་བཅས་ཀྱི་སྐོར་ལམ་སྟོན་གསུང་བཤད་གནང་སྟེ་ནད་གཞི་འགོས་པའི་ནད་པ་རང་ཉིད་ཙམ་མ་ཟད། ནང་མི་དང་། སྤྱི་ཚོགས། གཞུང་བཅས་ལ་དཀའ་ངལ་འཕྲད་རྒྱུ་ཡིན་པར་སོང་། དེ་སྔ་བྱུང་ཟིན་པ་ཆོས་ཅན་འགྲེལ་བཅོས་ཀྱི་བྱང་ཤར་ཁུལ་བོད་མིའི་གཞིས་སྒར་ས་གནས་ཀྲུ་ཊི་དང་། རྟ་དབང་། བསྟན་འཛིན་སྒང་། འབུམ་སྡེ་ལ། རྡི་རང་། ཏི་རྫུ། མེའོ། ལྡིབ་རུ་ག་ར། ཤི་ལོངས། ཀ་སྦུག སྒང་ཏོག ཇའི་སྒང་། ས་ལུ་ག་ར། ར་ཝང་ལ། ཨཌི་ལ་སྦར་བཅས་ཀྱི་ནང་སློབ་ཕྲུག་དང་མི་མང་ལ་གཉན་ནད་རེག་དུག་ནད་གཞིའི་སྐོར་གོ་རྟོགས་སླད་སྐོར་སྐྱོད་གནང་ཡོད་པའི་གནས་བསྡུས་སུ།
