༄༅། །ལྷར་བཅས་སྲིད་ཞིའི་གཙུག་རྒྱན་གངས་ལྗོངས་སྐྱེ་འགྲོ་ཡོངས་ཀྱི་ཕན་བདེའི་སྲོག་རྩ་༸གོང་ས་ལྷ་མིའི་རྣམ་འདྲེན་༸སྐྱབས་མགོན་རྒྱལ་དབང་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་དགུང་གྲངས་ ༧༥ ལ་ཕེབས་པའི་སྐུའི་འཁྲུངས་སྐར་ལ་བོད་གཞུང་ཤེས་དཔར་འགོ་ལས་ཡོངས་ནས། མཚུངས་པ་མེད་པའི་མགོན་པོ་གང་ཉིད། འཛམ་གླིང་སྐྱེ་འགྲོ་ཡོངས་ཀྱི་མགོན་དང་དཔུང་གཉེན་དམ་པར་མགོན་པོ་ཚེ་མཐའ་ཡས་པའི་ངོ་བོར་སྐུ་ཚེ་༸ཞབས་པད་མཆོག་ཏུ་བརྟན་ཅིང་། ཐུགས་ཀྱི་བཞེད་དགོངས་མཐའ་དག་མྱུར་དུ་འགྲུབ་པ་དང་། བོད་གཞིས་བྱེས་མཉམ་འཛོམས་ཀྱི་ཉིན་མོར་མྱུར་དུ་བསུས་ཏེ་རང་དབང་བདེ་སྐྱིད་ཀྱི་དཔལ་ཡོན་ལ་ལོངས་སྤྱོད་པའི་སྨོན་འདུན་དང་བཅས་པའི་འཚམས་འདྲི་བཀྲ་ཤིས་བདེ་ལེགས་ཞུ། དེ་དང་ཆབས་ཅིག་༸གོང་ས་མཆོག་གི་སྐུའི་འཁྲུངས་སྐར་དུས་ཆེན་ཕྱི་ལོ་ ༢༠༡༠།༧།༦ ནས། ཕྱི་ལོ་ ༢༠༡༠།༩།༣༠ བར། བོད་གཞུང་ཤེས་དཔར་དཔེ་དེབ་ཁག་དམིགས་བསལ་ཆག་ཡང་ཐོག་སྤས་ཚོང་ཞུ་རྒྱུ་གཤམ་གསལ།
ཀ༽ ཤེས་དཔར་དཀར་ཆག་སྡེ་ཚན་ཏ་དང་ཐ ལ་བརྒྱ་ཆ་ ༦།
ཁ༽ ཤེས་དཔར་དཀར་ཆག་སྡེ་ཚན་ཉ བརྒྱ་ཆ་ ༡༠།
ག༽ དེ་བྱིངས་ཤེས་དཔར་དཀར་ཆག་སྡེ་ཚན་ཁག་ལ་བརྒྱ་ཆ་ ༡༥།
གོང་གསལ་དམིགས་བསལ་ཆག་ཡང་ཐོབ་ཁུངས་ཞལ་བྱང་གཤམ་གསལ།
Tibetan Cultural & Religious Publication Centre
R-27,Ramesh Park,Laxmi Nagar,Delhi:-110092
Telefax:0091-11-22455634,Tel;22453672,Director;22013260(R)
E-mail:mailto:[email protected]
Sherig Parkhang(TCRPC)Shop
House No.179B,Tibetan Colony(Back Side of Tibetan Day School)
Majnu Ka Tilla,Delhi:54,Tel:011-23810830
Sherig Parkhang(TCRPC) Session Road,K.B.Dharamsala:176215,Distt.Kangra
(H.P.)Tel:01892-222673
Sherig Parkhang Shop
Mcloed Ganj-176219,Distt Kangra(H.P.)
སྔ་ལོ་༸གོང་ས་མཆོག་གི་སྐུའི་འཁྲུངས་སྐར་དང་ཞི་བའི་གཟེངས་རྟགས་བཅས་ལ་བོད་གཞུང་ཤེས་དཔར་ནས་དམིགས་བསལ་ཆག་ཡང་ཐོག་སྤས་ཚོང་ཞུས་ཡོད་ནའང་ས་གནས་ལྡི་ལི་དང་རྡ་ས་གཉིས་མ་གཏོགས་ས་གནས་བྱིངས་ལ་དམིགས་བསལ་ཆག་ཡང་མ་ཐོབ་པར་བརྟེན། འདི་ལོ་ཕྱི་ལོ་ ༢༠༡༠།༩།༣༠ བར་ས་གནས་ཡོངས་ལ་གོ་སྐབས་ཕུལ་ཡོད་པས་དགའ་བཞེས་ཐོག་བཀའ་མངགས་གནང་རྒྱུ་དང་སྦྲག་གླ་དོ་ཆས་འོར་འདྲེན་སོགས་དེབ་ཡོན་ཐོག་ཟུར་སྣོན་ཞུ་དགོས་པ་དགོངས་འཇགས་ཞུ། ༸གོང་ས་མཆོག་གི་སྐུའི་འཁྲུངས་སྐར་དུས་ཆེན་ཕྱི་ལོ་ ༢༠༡༠།༧།༦ ཉིན་ལྡི་ལི་དབུས་ཤེས་དཔར་དུ་༸གོང་ས་མཆོག་གི་སྐུའི་ཁམས་མཐུན་གྱི་རླུང་རྟ། སྒྲོལ་མ། རྒྱལ་མཚན་རྩེ་མོ་བཅས་དར་ཆེན་གསུམ་དང་ཕྱོགས་བཞིར་དར་ཆུང་ཆ་ཚང་འཛུགས་རྒྱུ་དང་། ཤེས་དཔར་ལས་བྱེད་ཡོངས་ནས་དཀར་ཕྱོགས་སྐྱོང་བའི་ལྷ་སྲུང་རྣམས་ལ་འཕྲིན་བཅོལ་དང་འབྲེལ་བསང་གསོལ་ཟབ་རྒྱས་ཞུས་རྗེས་བོད་སྒར་བསམ་ཡས་གླིང་དུ་མཛད་སྒོ་སྔར་ལམ་ལྟར་བཅར་རྒྱུ་ཡིན། དེ་བཞིན་བོད་གཞུང་གིས་བཀའ་བཀོད་གསལ་བསྒྲགས་ཇི་གནང་ལ་བོད་གཞུང་ཤེས་དཔར་ནས་མཉམ་བཞུགས་གནང་རྒྱུ་ཡིན། ལྡི་ལི་བོད་གཞུང་ཤེས་དཔར་དབུས་ཡིག་ཚང་ནས་ཕྱི་ལོ་ ༢༠༡༠ ཟླ་ ༦ ཚེས་ ༢༥ ཉིན།།
