༄༅། །བོད་གཞུང་ཐེ་ཝན་སྐུ་ཚབ་དོན་གཅོད་ཁང་ནས་བཏང་གནས་ནང་འཁོད་དོན། ཕྱི་ལོ་ ༢༠༡༠ ཟླ་ ༤ ནས་བདུན་ཕྲག་གཉིས་རིང་བོད་གཞུང་ཐེ་ཝན་སྐུ་ཚབ་དོན་གཅོད་ཁང་ནས་ཐེངས་དང་པོར་ཐའེ་པེ་ཨ་རིའི་སློབ་གྲྭ་དང་མཉམ་འབྲེལ་གྱིས་བོད་ཀྱི་ཆོས་དང་རིག་གཞུང་གི་འགྲེམས་སྟོན་ཞིག་གོ་སྒྲིག་ཞུས་ཏེ་བོད་མི་རྣམས་བཙན་བྱོལ་དུ་མི་ལོ་ལྔ་བཅུ་འདས་པའི་དུས་དྲན་སྲུང་བརྩི་ཞུ་ཆེད།བོད་གཞུང་ཐེ་ཝན་སྐུ་ཚབ་དོན་གཅོད་ཁང་གིས་ཐེ་ཝན་ས་གནས་འདྲ་མིན་ཁག་ནང་བོད་ཀྱི་འདྲ་དཔར་དང་། གློག་བརྙན། རིག་དངོས་སོགས་ཀྱི་བརྒྱུད་ལམ་ནས་བོད་ཀྱི་ཆོས་དང་། རིག་གཞུང་། བོད་ཕྱི་ནང་གཉིས་ཀྱི་གནས་སྟངས་སོགས་ངོ་སྤྲོད་འགྲེམས་སྟོན་བྱས་དང་བྱེད་བཞིན་ཡོད་པ་ལྟར།ད་ལམ་ཐེངས་དང་པོར་ཐའེ་པེ་ཨ་རིའི་སློབ་གྲྭའི་ནང་བོད་ཀྱི་ཆོས་དང་རིག་གཞུང་དབྱིན་རྒྱ་ཡིག་རིགས་གཉིས་ཐོག་ནས་ངོ་སྤྲོད་ཀྱིས་འགྲེམས་སྟོན་བཤམས་པ་བརྒྱུད། དགེ་སློབ་རྣམས་ཡེ་ཤུའི་འཁྲུངས་སྐར་དང་ཕྱི་ལོ་གསར་ཚེས་ཀྱི་གུང་གསེང་མཇུག་སྒྲིལ་ནས་སློབ་གྲྭ་ཚུགས་པའི་ཉིན་དང་པོར་བོད་ཀྱི་འགྲེམས་སྟོན་ལྟ་རྒྱུ་ཡོད་པ་མ་ཟད། འགྲེམས་སྟོན་ལམ་ནས་བོད་ཀྱི་གནད་དོན་ཤེས་རྟོགས་ཐུབ་རྒྱུར་དགེ་མཚན་ཡོད་པ་རྣམས་མཁྱེན་རྟོགས་ཡོང་སླད་ཡིན་འདུག་པ་བཅས་ཀྱི་གནས་བསྡུས་སུ།
བོད་ཀྱི་ཆོས་དང་རིག་གཞུང་གི་འགྲེམས་སྟོན་དབུ་འཛུགས་གནང་བ།
གསར་གནས།
![](https://bod.asia/wp-content/uploads/2017/08/cropped-Central_Tibetan_Admin_Logo-1-370x370.jpeg)
འབྲེལ་གནས།
![](https://bod.asia/wp-content/uploads/2017/08/cropped-Central_Tibetan_Admin_Logo-1-370x370.jpeg)