༢༠༡༠ ཕྱི་ཟླ་ ༥ ཚེས་ ༢༨ རེས་གཟའ་པ་སངས།
༄༅། །ཕྱི་ལོ་ ༢༠༡༠ ཟླ་ ༥ ཚེས་ ༢༥ ཉིན་ལྷ་སའི་འབྲིང་རིམ་མི་མང་ཁྲིམས་ཁང་གིས་ཁམས་དཀར་མཛེས་ནས་ཡིན་པའི་བོད་མི་རང་ལོ་ ༢༣ སོན་པ་བསོད་ནམས་ཚེ་རིང་ལགས་སུ་ཕྱི་ལོ་ ༢༠༠༨ ལོར་རྒྱ་ནག་གཞུང་ལ་ཞི་བའི་སྒེར་ལངས་བྱེད་མཁན་ཚོའི་ལྷན་དུ་མཉམ་ཞུགས་བྱས་པའི་ཉེས་འཛུགས་འོག་ལོ་གཉིས་དུས་འགྱངས་ཐོག་སྲོག་ཁྲིམས་ཀྱི་ཉེས་ཆད་འགེལ་རྒྱུ་ཐག་གཅོད་གསལ་བསྒྲགས་བྱས་འདུག་པ་མ་ཟད། དེ་མིན་བོད་མི་གཞན་ལྔ་ལ་ལོ་ ༣ ནས་༧ བར་བཙོན་འཇུག་གིས་དུས་བཀག་བཟོས་འདུག དེ་ཡང་རྒྱ་ནག་གཞུང་གི་མི་སྤྱོད་ལས་འདས་པའི་བྱ་སྤྱོད་དེར་བཙན་བྱོལ་བོད་མི་མང་སྤྱི་འཐུས་ལྷན་ཚོགས་ཀྱིས་ཚོར་ཤུགས་ཆེན་པོས་སྐྱོན་བརྗོད་གནང་ཡོད་པ་མ་ཟད། རྒྱལ་སྤྱིའི་ཚོགས་པ་ཁག་དང་། མང་གཙོ་དང་འགྲོ་བ་མིའི་ཐོབ་ཐང་ལ་རྒྱབ་སྐྱོར་གནང་མཁན་ཚོས་ཛ་དྲག་ཐོག་རྒྱ་ནག་གཞུང་གིས་འགྲོ་བ་མིའི་ཐོབ་ཐང་ལ་རྩིས་མེད་རྡོག་རོལ་བཏང་བའི་བྱ་སྤྱོད་དང་། རྒྱ་ནག་གཞུང་གིས་ཐག་གཅོད་དེར་མི་མང་དཀྱུས་མ་ཚོས་དྲང་བདེན་གྱི་ཁྲིམས་ཐག་ཡིན་པའི་ཡིད་ཆེས་བསྐྲུན་ཆེད་བཀུར་འོས་ཁྲིམས་ཞིབ་ལྷན་ཁང་བེད་སྤྱོད་ལོག་པ་བཏང་བ་དང་། དབང་འཛིན་མི་སྣ་ཚོས་ཁྲིམས་ཞིབ་ལྷན་ཁང་དེ་དབང་ཆ་བེད་སྤྱོད་ལོག་པ་བྱ་རྒྱུའི་མ་ལག་ཞིག་ཏུ་འགྱུར་རྒྱུ་དེ་འཕྲལ་དུ་མཚམས་འཇོག་ཡོང་བར་རྒྱབ་སྐྱོར་གྱི་འབོད་སྐུལ་ཞུས་ཡོད།
