༢༠༡༠ ཕྱི་ཟླ་ ༥ ཚེས་ ༢༡ རེས་གཟའ་པ་སངས།
དབྱིན་ཇིའི་སྲིད་བློན་སྐུ་ཞབས་ཌེ་བིཌ་ཝིལ་ཡམ་ཌོ་ནལ་ཌི་ཀེ་མེ་རོན་མཆོག
༄༅། །ཕྱི་ལོ་ ༢༠༡༠ ཟླ་ ༥ ཚེས་ ༡༨ ཉིན་བཙན་བྱོལ་བོད་མི་མང་སྤྱི་འཐུས་ལྷན་ཚོགས་ཀྱི་ཚབ་ཞུས་ཏེ་སྤྱི་འཐུས་ཚོགས་གཞོན་རྒྱ་རི་སྒྲོལ་མ་མཆོག་གིས་སྐུ་ཞབས་ཌེ་བིཌ་ཝིལ་ཡམ་ཌོ་ནལ་ཌི་ཀེ་མེ་རོན་མཆོག་ (David William Donald Cameron) དབྱིན་ཇིའི་སྲིད་བློན་གསར་པར་འོས་འདེམས་བྱུང་བར་འཚམས་འདྲིའི་འཕྲིན་ཡིག་གཅིག་ཕུལ་བའི་ནང་འཁོད་དོན།
སྐུ་ཉིད་ཉེ་ལམ་སྲིད་བློན་གྱི་འོས་འདེམས་ནང་རྒྱལ་ཁ་ཐོབ་པར་བཙན་བྱོལ་བོད་མི་མང་སྤྱི་འཐུས་ལྷན་ཚོགས་ཀྱིས་དགའ་བསུའི་འཚམས་འདྲི་ཞུ་རྒྱུ་ཡིན། སྐུ་ཉིད་ཀྱི་རྒྱལ་ཁབ་ནང་མང་གཙོའི་ལམ་སྲོལ་ལག་བསྟར་བྱེད་བཞིན་པ་དེར་འཛམ་གླིང་ནང་བསྔགས་བརྗོད་དང་གཟི་བརྗིིད་ལྡན་པ་ཞིག་ཡིན་པར་ངོས་འཛིན་བྱེད་བཞིན་ཡོད། ང་ཚོས་སྙིང་སྟོབས་ལྡན་པའི་མང་གཙོའི་ཀུན་སློང་ཡང་དག་པ་ཞིག་ཁྱེད་ཚོའི་ལམ་ལུགས་ནང་ཡོད་པ་མཐོང་ཐུབ་པ་མ་ཟད། བློ་སྐྱེས་ཀྱང་ལེན་ཐུབ་བྱུང་། སྐུ་ཉིད་དང་སྐུ་ཉིད་ཀྱི་རྒྱལ་ཁབ་ལ་ང་ཚོས་བཀྲིས་སྨོན་ལམ་ཞུ་རྒྱུ་ཡིན། བོད་དང་དབྱིན་ཇི་ལུང་པ་གཉིས་དབར་ལོ་ངོ་བརྒྱ་ཕྲག་རིང་ནས་འབྲེལ་བ་ཡོད་པ་དེས་བོད་ཀྱི་ལོ་རྒྱུས་ཐོག་ཤུགས་སྣོན་ཡང་གང་ཙམ་ཐེབས་ཡོད། སྐུ་ཉིད་ལ་མང་མོས་འོས་ཤོག་ཐོབ་པར་བརྟེན། འཛམ་གླིང་གི་མི་མང་པོའི་རེ་བའི་མཚོན་དོན་ལྟ་བུ་གཟེངས་སུ་ཐོན་ཡོད་པ་དང་། མི་མང་གིས་སྐུ་དབང་ཕུལ་བ་དེའི་ཐོག་ནས་རང་གི་རྒྱལ་ཁབ་ཙམ་མ་ཟད་འཛམ་གླིང་ལ་ཕུལ་བྱུང་གི་ཞབས་འདེགས་བསྒྲུབ་ཐུབ་རྒྱུའི་ཡིད་ཆེས་ཡོད། ཅེས་སོགས་འཁོད་ཡོད།
འཚམས་འཕྲིན་ངོ་མ་དབྱིན་ཡིག་ནང་ཡོད་པ་ནས་ཕབས་སྒྱུར་ཞུས་པས་དེར་རྩ་འཛིན་ཡོང་བ་ཞུ།
