༢༠༡༠ ཕྱི་ཟླ་ ༥ ཚེས་ ༡༢ རེས་གཟའ་པ་སངས།
༄༅། །དཔལ་ལྡན་བཀའ་བློན་ཁྲི་པ་ཟམ་གདོང་རིན་པོ་ཆེ་མཆོག་ཕྱི་ལོ་ ༢༠༡༠ ཟླ་ ༥ ཚེས་ ༡༨ ཕྱི་དྲོ་ནས་ཟླ་ ༦ ཚེས་ ༢ སྔ་དྲོ་བར་བྱང་ཨ་རི་ཁུལ་དུ་བོད་རིགས་མང་ཚོགས་ལ་གསུང་བཤད་གནང་རྒྱུ་སོགས་གཞུང་འབྲེལ་ཕྱོགས་བསྐྱོད་གནང་རྒྱུ་ཡིན་འདུག དེ་ཡང་ཕྱི་ཟླ་ ༥ ཚེས་ ༡༨ རྡ་ས་ནས་ས་ཐོག་ཅཀྐཱི་བྷེངྐ་རུ་ཕེབས་ཐོན་དང་། ཅཀྐཱི་བྷེངྐ་ནས་དིལླཱིར་ཚེས་ ༡༩ ཉིན་ཕེབས་འབྱོར་གྱི་དོན་ཁང་བརྒྱུད་གནམ་ཐང་དུ་ཕེབས་ཐོན་གནང་རྒྱུ་དང་། ཚེས་ ༢༠ ཉིན་དིལླཱི་ནས་ལོན་ཌོན་ལ་ཕེབས་འབྱོར་གནང་རྒྱུ་དང་། ལོན་ཌོན་ནས་ནིའུ་ཡོཀ་ལ་ཕེབས་ཐོན་གནང་རྒྱུ། ཚེས་ ༢༡ ཉིན་ནས་ཚེས་ ༢༩ བར་ས་གནས་སུ་མཛད་འཆར་ཡོད་པ་དང་། ཚེས་ ༥ ཚེས་ ༣༠ ཉིན་སན་ཕརན་སིས་ཀོ་ནས་ལོན་ཌོན་ལ་ཕེབས་ཐོན་གནང་རྒྱུ། ཚེས་ ༣༡ ཉིན་ལོན་ཌོན་ནས་དི་ལླཱིར་ཕེབས་ཐོན་གནང་རྒྱུ། ཕྱི་ཟླ་ ༦ ཚེས་ ༡ ཉིན་དིལླཱིར་ཕེབས་འབྱོར་གནང་རྒྱུ་དང་། དིལླཱིར་ནས་ཅཀྐི་བྷེ་ངྐརུ་ཕེབས་ཐོན་གནང་རྒྱུ། ཚེས་ ༢ ཉིན་ཅཀྐི་བྷེངྐ་ནས་རྡ་སར་ཕེབས་འབྱོར་གནང་རྒྱུ་ཡིན་པ་བཅས།
