༢༠༡༠ ཕྱི་ཟླ་ ༤ ཚེས་ ༡༤ རེས་གཟའ་ལྷག་པ།

༄༅། །ཕྱི་ལོ་ ༢༠༡༠ ཟླ་ ༤ ཚེས་ ༡༤ ཉིན་བཙན་བྱོལ་བོད་གཞུང་བཀའ་ཤག་གིས་བོད་མདོ་ཁམས་སྐྱེ་རྒུ་མདོ་ཁུལ་དུ་ས་ཡོམ་གྱི་གོད་ཆག་འོག་རྐྱེན་འདས་སུ་ཕྱིན་པ་རྣམས་ལ་སེམས་གསོ་གནང་བའི་ནང་འཁོད་དོན།

བཙན་བྱོལ་བོད་གཞུང་བཀའ་ཤག་གིས་སྐྱེ་རྒུ་མདོ་གཙོ་བོར་གྱུར་བའི་བོད་བྱང་ཤར་མདོ་ཁམས་ས་ཁུལ་ཁག་གཅིག་ལ་ས་ཡོམ་གྱི་གོད་ཆག་ཕོག་པར་བློ་ཕམ་དང་སྙིང་ཐག་པ་ནས་མྱ་ངན་གྱི་གུས་འདུད་ཞུ་རྒྱུ་ཡིན། བཙན་བྱོལ་བོད་གཞུང་བཀའ་ཤག་གིས་ས་ཡོམ་གྱི་གོད་ཆག་དེའི་འོག་རྐྱེན་འདས་སུ་གྱུར་བ་རྣམས་ཀྱི་རྗེས་ཤུལ་ནང་མི་སྤུན་མཆེད་རྣམས་ལ་སྙིང་ཐག་པ་ནས་སེམས་གསོ་ཞུ་རྒྱུ་དང་། གོད་ཆག་ཕོག་པའི་མི་མང་ཚོར་དུས་ཐོག་རོགས་རམ་གྱི་མཐུན་འགྱུར་ཐོབ་རྒྱུར་སྨོན་ལམ་ཞུ་བཞིན་པ་མ་ཟད། རང་བྱུང་གི་གོད་ཆག་ཕོག་པ་དེར་སྙིང་སྟོབས་དང་ཞུམ་པ་མེད་པའི་ཐོག་ནས་གདོང་ལེན་གནང་རྒྱུའི་རེ་བ་ཞུ་བཞིན་ཡོད་ཅེས་འཁོད་འདུག

འཕྲིན་ཡིག་ངོ་མ་དབྱིན་ཡིག་ནང་ཡོད་པས་དེར་རྩ་འཛིན་ཡོང་བ་ཞུ།