༢༠༡༠ ཕྱི་ཟླ་ ༡ ཚེས་ ༡༣ རེས་གཟའ་ལྷག་པ། 
༄༅། །ཕྱི་ལོ་ ༢༠༡༠ ཟླ་ ༡ ཚེས་ ༡༣ ཉིན་གྱི་སྔ་དྲོ་བོད་མིའི་གཞིས་སྒར་ཨོ་རི་ས་ཕུན་ཚོགས་གླིང་དུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བོད་མི་སེར་སྐྱ་མང་ཚོགས་ལ་རིན་ཆེན་གུ་རུ་ཆོས་ཀྱི་དབང་ཕྱུག་གི་ཟབ་གཏེར་བླ་མ་གསང་བ་འདུས་པའི་དུམ་བུ་བཞི་དབང་གི་བཀའ་དབང་བཀའ་དྲིན་སྩོལ་བཞིན་པ་དང་། ཉིན་རྒྱབ་༸གོང་ས་༸སྐྱབས་མགོན་ཆེན་པོ་དབུ་བཞུགས་ཐོག་རི་དགོན་ཐུབ་བསྟན་སྨིན་གྲོལ་གླིང་འདུས་ཚོགས་ནས་དགོངས་གཏེར་གུ་རུའི་ཐུགས་སྒྲུབ་ཀྱི་ཚོགས་འཁོར་གསུང་རྒྱུ་གྲུབ་མཚམས་རིན་པོ་ཆེ་ཡབ་སྲས་དང་། ས་གནས་འཐུས་མིའི་ཚོགས་གཙོ། ས་གནས་འགོ་འཛིན། རིག་པ་བླ་བྲང་གི་སྐུ་ངོ། དགོན་པའི་བླ་སྤྲུལ་མཁན་པོ་གཙོས་ལས་སྣེ་རྣམ་པ་བཅས་ཀྱི་བཀའ་དྲིན་གཏང་རག་གི་མལ་དང་སྐུ་གསུང་ཐུགས་རྟེན་གྱི་འབུལ་མཚོན་རྣམས་འདེགས་འབུལ་ཞུ་རྒྱུ་ཡིན་འདུག
