༢༠༠༩ ཕྱི་ཟླ་ ༡༢ ཚེས་ ༢༨ རེས་གཟའ་ཟླ་བ།
༸གོང་ས་མཆོག་དབུ་བཞུགས་ཐོག་ཤེས་རིག་ཚོགས་ཆེན་སྐབས་ལྔ་པའི་དབུ་འབྱེད་མཛད་སྒོ་འཚོགས་བཞིན་པ།
༄༅། །སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལོ་ ༢༠༠༩ ཟླ་ ༡༢ ཚེས་ ༢༧ ཉིན་བཙན་བྱོལ་བོད་གཞུང་ཤེས་རིག་ལས་ཁུངས་ཀྱིས་ཇི་ལྟར་གསོལ་འདེབས་ཞུས་དོན་ལྟར་བཙན་བྱོལ་བོད་མིའི་ཤེས་རིག་ཚོགས་ཆེན་ཐེངས་ལྔ་པར་ཆིབས་སྒྱུར་གྱི་སྔ་དྲོ་ཆུ་ཚོད་ ༩ ཐོག་རྡ་ཤོད་བོད་ཕྲུག་ཁྱིམ་སྡེའི་ཚོགས་ཁང་དུ་ཤེས་རིག་བཀའ་བློན་མཆོག་དང་དྲུང་
ཤེས་རིག་ཚོགས་ཆེན་གྱི་དབུ་འབྱེད་མཛད་སྒོའི་སྐབས་གནས་ཆུང་གྲྭ་ཚང་གི་དགེ་འདུན་བཞི་གྲྭ་ནས་ཤིས་བརྗོད་འདོན་བཞིན་པ།
ཆེས་སྤོས་སྣེས་སྔོན་བསུས་ཏེ་གདན་ཞུ་སྐབས་རྡ་ཤོད་བོད་ཁྱིམ་སློབ་ཕྲུག་གིས་གླུ་གར་མཆོད་པས་ཕེབས་བསུ་གཟབ་རྒྱས་ཞུས་ཐོག་ཚོགས་མགོན་དུ་༸ཞབས་སོར་འཁོད་དེ་སྣང་གསལ་ཞལ་འབྱེད་མཛད།
དེ་རྗེས་གནས་ཆུང་དགེ་འདུན་བཞི་གྲྭ་ནས་ཤིས་བརྗོད་གསུང་འདོན་གནང་སྟེ་རྟེན་འབྲེལ་གྱི་གསོལ་ཇ་འབྲས་བསིལ་འདེགས་འབུལ་
ཤེས་རིག་ཚོགས་ཆེན་ཐེངས་ལྔ་པའི་དབུ་འབྱེད་མཛད་སྒོའི་སྐབས།
ཞུས། དེ་རྗེས་ཤེས་རིག་བཀའ་བློན་མཆོག་གིས་ཕེབས་བསུའི་གསུང་བཤད་དང་སྦྲགས་ཐེངས་འདིའི་ཚོགས་ཆེན་སྐོར་སྙན་སྒྲོན་ཞུས། དེ་ནས་ཤེས་རིག་དྲུང་ཆེས་ཤེས་ཡོན་གྱི་གནས་བབ་དང་ལས་དོན་གྱི་སྙན་ཐོ་སྙིང་བསྡུས་ཤིག་སྙན་སྒྲོན་ཞུ་རྗེས་བཀའ་ཁྲི་མཆོག་གིས་ཤེས་རིག་ཚོགས་ཆེན་ཐེངས་ལྔ་པའི་དབུ་འབྱེད་མཛད་སྒོའི་བཀའ་ཤག་གི་གཏམ་བཤད་གནང་། དེ་རྗེས་བོད་མི་མང་སྤྱི་འཐུས་ཚོགས་གཙོ་མཆོག་གིས་སྤྱི་འཐུས་ལྷན་ཚོགས་ཀྱི་གསུང་བཤད་གནང་། དེ་དག་གྲུབ་རྗེས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཤེས་རིག་ཚོགས་ཆེན་ཐེངས་ལྔ་པ་དབུ་འབྱེད་ཀྱི་བཀའ་སློབ་བཀའ་དྲིན་ཆེ་བ་སྩལ། བཀའ་སློབ་གྲུབ་རྗེས་ཤེས་རིག་དྲུང་ཆེས་ཐུགས་རྗེ་ཆེ་ཞུའི་གསུང་བཤད་གནང་རྗེས་༸གོང་ས་མཆོག་བཞུགས་སྒར་ཕོ་བྲང་ལ་ཆིབས་སྒྱུར་བསྐྱངས།
ཆུ་ཚོད་ ༡༡། ༣༠ ཐོག་ཤེས་རིག་ཚོགས་ཆེན་ལྔ་པའི་ཚོགས་ཐུན་དང་པོར། དཔལ་ལྡན་བཀའ་བློན་ཁྲི་པ་རིན་པོ་ཆེ་མཆོག་གིས་བཙན་བྱོལ་བོད་མིའི་ཤེས་ཡོན་གྱི་གནས་སྟངས་སྤྱི་དང་། ཁྱད་པར་ཐེངས་འདིའི་ཚོགས་ཆེན་གྱི་གྲོས་གཞི་ཁག་གི་ཐོག་བཀའ་ཤག་གི་ལམ་སྟོན་གསུང་བཤད་མདོར་བསྡུས་གནང་རྗེས་ཚོགས་བཅར་བ་རྣམས་ཀྱིས་དྲི་བ་མང་དག་ཞུས་པར་ལན་འདེབས་ཁ་གསལ་དོན་བསྡུས་སུ་གནང་། ཕྱེད་ཡོལ་ཆུ་ཚོད་ ༢།༠༠ པར་ཚོགས་ཐུན་གཉིས་པའི་ཐོག་ཕྱི་ལོ་ ༢༠༠༣ ལོར་ཚོགས་པའི་ཤེས་རིག་ཚོགས་ཆེན་ཐེངས་བཞི་པ་དང་། ཕྱི་ལོ་ ༢༠༠༥ ལོར་ཚོགས་པའི་སློབ་གྲྭ་ཁག་གི་འགན་འཛིན་ལྷན་ཚོགས་བཅས་ཀྱི་གྲོས་ཆོད་དང་དགོངས་འཆར་ཁག་ལག་བསྟར་ཇི་ཞུས་སྐོར་སྙན་ཐོ་སྒྲོགས་སྦྱང་དང་དོགས་དྲིས་གནང་དགོས་རིགས་གནང་ཡོད་པར་ཤེས་རིག་བཀའ་བློན་མཆོག་དང་དྲུང་ཆེ་ཟུང་ནས་ལན་འདེབས་གནང་ཡོད། ཆུ་ཚོད་ ༣།༣༠ ཐོག་ཚོགས་ཐུན་གསུམ་པའི་ཐོག་ཤེས་རིག་ཚོགས་ཆེན་ཐེངས་ལྔ་པའི་གྲོས་གཞི་དོན་ཚན་ཁག་དང་ཚོགས་ཆུང་གི་ལས་དོན་བྱ་ཕྱོགས་ཤེས་རིག་བཀའ་བློན་མཆོག་དང་དྲུང་ཆེས་ངོ་སྤྲོད་གནང་།
