༢༠༠༩ ཕྱི་ཟླ་ ༡༢ ཚེས་ ༡༤ རེས་གཟའ་ཟླ་བ།

༄༅། །ཕྱི་ལོ་ ༢༠༠༩ ཟླ་ ༡༢ ཚེས་ ༡༡ ནས་ ༡༤ བར་ཉིན་བཞིའི་རིང་སྤྱི་ཚོགས་ཡར་རྒྱས་ཐེབས་རྩ་ཁང་ཞེས་པ་བཙན་བྱོལ་བོད་གཞུང་དཔལ་འབྱོར་ལས་ཁུངས་ཀྱི་ཁྱབ་ཁོངས་སུ་ཡོད་པའི་ཐེབས་རྩས་གཞུང་ཞབས་ལས་འཆར་འགན་འཛིན་ཁག་གཅིག་ལ་དཔལ་འབྱོར་འདུ་འགོད་བྱ་ཚུལ་དང།། འབྲེལ་གཏུགས་བྱེད་ཕྱོགས་ཐོག་ཟབ་སབྱོང་ཞིག་གངས་སྐྱིད་སྤྱི་ཐབ་ཀྱི་ཡང་སྟེང་ཚོགས་ཁང་ནང་གནང་ཡོད། ཟབ་སབྱོང་གི་སབྱིན་བདག་ནི་ནོར་ཝེ་ཡེ་ཤུའི་ལྷ་ཁང་རོགས་ཚོགས་ཞེས་པ་དེ་ཡིན་པ་དང་རོགས་ཚོགས་དེས་བཙན་བྱོལ་གཞུང་གི་ལས་འཆར་ཁག་གཞན་ལའང་རོགས་རམ་གནང་བཞིན་ཡོད། ཟབ་སབྱོང་སྐབས་ལས་འཆར་འགན་འཛིན་རྣམས་ལ་བཙན་བྱོལ་སྤྱི་ཚོགས་དང་བཙན་བྱོལ་བོད་གཞུང་གི་ལྷན་ཁང་སོ་སོས་འགྲོ་གྲོན་ཆེད་དགོས་ངེས་ཀྱི་དཔལ་འབྱོར་མཁོ་སྒྲུབ་བྱ་ཚུལ་གྱི་ཟབ་སབྱོང་སྤྲོད་ཡོད། ཟབ་སབྱོང་གི་སློབ་སྟོན་པ་ལྷོ་ཨེ་ཤི་ཡའི་དཔལ་འབྱོར་མཁོ་སྒྲུབ། ཅེས་པའི་ལྷན་ཚོགས་ཀྱི་ཤེས་ལྡན་མི་སྣ་རྒྱ་གར་ཡུལ་མི་སྐུ་ཞབས་སུ་རཊ་སན་ཌུ་ལགས་དང་ (Mr.Surat Sandhu) སྐུ་ཞབས་ཀུ་ནཱལ་ཝར་མ། (Kunal Verma) ལྕམ་སྐུ་མི་ནག་ཤི་ཀོ་ལི་ (Ms Meenakshi kohli) ལྕམ་སྐུ་ཤིལ་པ་ (Ms Shilpa) བཅས་ཡིན་པ་རེད། ཟབ་སབྱོང་སྐབས་དེར་བཙན་བྱོལ་གཞུང་གི་ལྷན་ཁང་འདྲ་མིན་ཁག་གི་སྲི་ཞུ་བ་ཁྱོན་བསྡོམས་མི་གྲངས་ ༢༡ མཉམ་ཞུགས་གནང་ཡོད་པ་མ་ཟད། བོད་ཀྱི་དཔེ་མཛོད་ཁང་གི་ལས་བྱེད་ཁག་གཅིག་ཀྱང་ལྷན་ཞུགས་གནང་ཡོད། ཕྱི་ཚེས་ ༡༤ ཟབ་སབྱོང་ཉིན་མཐའ་མའི་སྐབས་བཙན་བྱོལ་བོད་གཞུང་གི་བཀའ་ཁྲི་ཟམ་གདོང་རིན་པོ་ཆེ་མཆོག་ཆེད་ཕེབས་ཀྱིས་གསུང་བཤད་གནང་ཡོད་པ་བཅས་ཀྱི་གནས་བསྡུས་སུ།།