༢༠༠༩ ཕྱི་ཟླ་ ༡༢ ཚེས་ ༡ རེས་གཟའ་མིག་དམར།
༄༅། །དཔལ་ལྡན་བཀའ་ཁྲི་ཟམ་གདོང་རིན་པོ་ཆེ་མཆོག་ཕྱི་ལོ་ ༢༠༠༩ ཟླ་ ༡༢ ཚེས་ ༡ སྔ་དྲོ་རྡ་ས་ནས་ས་ཐོག་བརྒྱུད་ཕེབས་ཐོན་གྱིས་ཨཱུ་ནཱར་ཕེབས་འབྱོར་གནང་སྟེ་དེར་བདག་ཉིད་ཆེན་པོ་གྷན་དྷིའི་ལྟ་གྲུབ་ད་ལྟའི་དུས་རབས་ནང་འོས་འཚམས་ཡིན་མིན་སྐོར་བགྲོ་གླེང་ཚོགས་འདུར་གསུང་བཤད་གནང་རྒྱུ། དེ་རྗེས་དེཧར་དན་དུ་ཕེབས་རྒྱུ། ཚེས་ ༢ ཉིན་དེཧ་རཱ་ལྡུན་དུ་ཕེབས་འབྱོར་གྱིས་བཱིཇ་བིདཡཔཱི་ལ་གྷན་དྷི་དང་གོ་ལ་གཅིག་གྱུར་སྐོར་སློབ་ཁྲིད་གནང་རྒྱུ་དང་། ཕྱི་ཚེས་ ༤ ཉིན་དེཧར་དན་ནས་མེ་འཁོར་བརྒྱུད་ལྡི་ལིར་ཕེབས་ཐོན་གནང་རྒྱུ། ཕྱི་ཚེས་ ༥ ཉིན་ལྡི་ལི་དོན་ཁང་ནས་ཕེབས་ཐོན་གྱིས་གནམ་ཐོག་བརྒྱུད་བྷེང་ཀོཀ་ལ་ཕེབས་རྒྱུ། ཕྱི་ཚེས་ ༦ ལ་བྷེང་ཀོཀ་ནས་ཨོ་སི་ཊོ་ལི་ཡའི་མེལ་བྷོན་དུ་འཛམ་གླིང་ཆོས་ལུགས་ཁག་གི་ཚོགས་ཆེན་དུ་གསུང་བཤད་གནང་རྒྱུ་དང་། ཕྱི་ཚེས་ ༧ ནས་ ༡༡ བར་མེལ་བྷོན་ནང་སྤྱི་ནོར་༸གོང་ས༸སྐྱབས་མགོན་ཆེན་པོ་མཆོག་ལ་འཛམ་གླིང་ཞི་བདེའི་གཟེངས་རྟགས་འབུལ་བཞེས་མཛད་ནས་ལོ་ངོ་ཉི་ཤུ་འཁོར་བའི་དུས་ཚིགས་ཁྱད་པར་ཅན་གྱི་མཛད་སྒོར་བཅར་རྒྱུ་སོགས་དང་ཕྱི་ཚེས་ ༡༢ ཉིན་མེལ་བྷོན་ནས་བྷེང་ཀོཀ་ཕེབས་ཐོན་དང་། ཕྱི་ཚེས་ ༡༣ ཉིན་བྷེང་ཀོཀ་ནས་ལྡི་ལིར་ཕེབས་འབྱོར་དང་། དེ་ནས་ཅཀྐི་བྷེ་ངྐ་བརྒྱུད་རྡ་སར་ཕེབས་འབྱོར་གནང་རྒྱུ་ཡིན་པ་བཅས་སུ།
