༢༠༠༩ ཕྱི་ཟླ་ ༡༢ ཚེས་ ༨ རེས་གཟའ་མིག་དམར།
༄༅། །ཕྱི་ལོ་ ༢༠༠༩ ཟླ་ ༡༢ ཚེས་ ༡༠ ནས་ཉིན་གྲངས་ལྔའི་རིང་ཐེག་ཆེན་ཆོས་གླིང་གཙུག་ལག་ཁང་གི་ཉེ་འགྲམ་དུ་ཡོད་པའི་བོད་ཀྱི་འགྲེམས་སྟོན་ཁང་ནང་འདི་ལོའི་ཕྱི་ཟླ་ ༡༢ ཚེས་ ༡༠ ཉིན་བོད་ཀྱི་དབུ་ཁྲིད་བླ་ན་མེད་པ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་ནོ་བེལ་ཞི་བདེའི་གཟེངས་རྟགས་འབུལ་བཞེས་མཛད་ནས་ལོ་ངོ་ ༢༠ ཧྲིལ་པོ་འཁོར་བའི་རྟེན་འབྲེལ་མཛད་སྒོ་དང་སྟབས་བསྟུན་འདི་ག་བཙན་བྱོད་བོད་གཞུང་ཕྱི་དྲིལ་ལས་ཁུངས་ཀྱི་བོད་ཀྱི་འགྲེམས་སྟོན་སྡེ་ཚན་ནས་༸གོང་ས་མཆོག་གི་སྐུ་དཔར་འགྲེམས་སྟོན་ཞུ་རྒྱུ་ཡིན་འདུག དེ་བཞིན་ཚེས་ ༡༡ ཉིན་བཙན་བྱོལ་བོད་གཞུང་ཁོར་ཡུག་ཚན་པས། གནམ་གཤིས་འགྱུར་ལྡོག་གིས་མཐོ་སྒང་བོད་ལ་རྗེས་འབྲས་གང་བྱུང་བ། ཞེས་པའི་བརྗོད་གཞིའི་ཐོག་གསུང་བཤད་གཅིག་ཀྱང་གནང་རྒྱུ་ཡིན་པ་རེད། བོད་ཀྱི་འགྲེམས་སྟོན་ཁང་ནི་ཕྱི་ལོ་ ༡༩༩༨ ལོར་གསར་འཛུགས་གནང་བ་ཞིག་ཡིན་པ་དང་། འགྲེམས་སྟོན་དེས་དཔར་རིས་ཀྱི་ལམ་ནས་རྩ་བརླག་འགྲོ་ཉེན་ཡོད་པའི་བོད་ཀྱི་ཐུན་མིན་རིག་གཞུང་དང་བོད་མིའི་འཚོ་རྟེན་སོགས་དྲན་གསོ་དང་བོད་མིའི་རྒྱལ་རབས་ངོ་སྤྲོད་ཞུས་པའི་ཐོག་བོད་མི་རྣམས་ཀྱི་སྙིང་སྟོབས་དང་རེ་བ་ཇི་འདྲ་ཡིན་མིན་གསལ་བཏོན་གནང་བཞིན་ཡོད་པ་བཅས་ཀྱི་གནས་བསྡུས་སུ།
