༢༠༠༩ ཕྱི་ཟླ་ ༡༢ ཚེས་ ༡༨ རེས་གཟའ་པ་སངས།
༄༅། །འདི་གར་ཆེས་མཐོའི་ཁྲིམས་ཞིབ་ཁང་ནས། ཕྱི་ལོ་ ༢༠༠༩ ཟླ་ ༡༢ ཚེས་ ༡༧ ཉིན་བཏང་གནས་ནང་འཁོད་དོན། བཙན་བྱོལ་བོད་མིའི་ཆེས་མཐོའི་ཁྲིམས་ཞིབ་ཁང་གི་གོ་སྒྲིག་འོག ཕྱི་ལོ་ ༢༠༠༩ ཟླ་ ༡༡ ཚེས་ ༢༢ ཉིན་འདི་ག་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆུ་སྟེང་ངག་དབང་ཐུབ་བསྟན་མཆོག་དང་། ཕྱག་རོགས་སུ་ཡུལ་ཁྲིམས་སློབ་སྟོན་པའི་ལས་རོགས་བསྟན་འཛིན་ལྷུན་གྲུབ་ལགས་གཉིས་བཞུགས་སྒར་ནས་ཕེབས་ཐོན་གྱིས་འབྲས་ལྗོངས་མངའ་སྡེའི་རྒྱལ་ས་སྒང་ཏོག་དང་། ར་ཝང་ལ། ནུབ་སྦང་གྷལ་མངའ་སྡེའི་རྡོ་རྗེ་གླིང་། ཀ་ལོན་སྦུག་བཅས་སུ་འདུས་སྡོད་བོད་མིའི་སེར་སྐྱ་མང་ཚོགས་དང་། སློབ་གྲྭ་ཁག་གི་དགེ་ལས་སློབ་ཕྲུག་བཅས་ལ་བཙན་བྱོལ་བོད་མིའི་ཁྲིམས་ལུགས་དབང་འཛིན་གྱི་འགྲོ་ལུགས་སྐོར་གོ་རྟོགས་སྤེལ་གནང་མཛད་པ་ལྟར། ས་གནས་སོ་སོར་སེར་སྐྱ་མང་ཚོགས་འདུ་འཛོམས་རྒྱ་གང་ཆེའི་ཐོག་མང་ཚོགས་ནས་ཐུགས་སྣང་ཆེན་པོས་གསན་བཞེས་གནང་ཡོད་པ་མ་ཟད། ཟབ་སྦྱོང་དེ་དག་ལེགས་གྲུབ་ཀྱིས་ ༢༠༠༩ ཟླ་ ༡༢ ཚེས་ ༩ ཉིན་ལྷ་ས་བཞུགས་སྒར་དུ་ཕྱིེར་ཕེབས་གནང་ཡོད་པ་བཅས་སུ།
