༢༠༠༩ ཕྱི་ཟླ་ ༡༠ ཚེས་ ༡༢ རེས་གཟའ་ཟླ་བ།
༄༅། །ཤེས་རིག་ལས་ཁུངས་ནས་བཏང་གནས་ནང་འཁོད་དོན། ཨ་རིའི་གྲོང་ཁྱེར་སི་ཡ་ཊལ་དུ་ཡོད་པའི་རང་རིགས་བོད་རིགས་ཁྱིམ་ཚང་ ༡༧ ནས་ཤེས་རིག་ལས་ཁུངས་བརྒྱུད་ཉམ་ཐག་སློབ་ཕྲུག ༡༧ ལ་སློབ་ཡོན་རོགས་རམ་ཟླ་རེར་ཨ་སྒོར་ ༡༥ རེ་གནང་མུས་ཁར་ཕྱི་ལོ་ ༢༠༠༩ ཟླ་ ༡ ནས་བཟུང་སྦྱིན་བདག་གསར་པ་ ༣ ཐོབ་ཡོད་པས་སྦྱིན་བདག་རྣམས་ཀྱི་མཚན་ ༡༽ སློབ་བུ་བསྟན་འཛིན་ཚེ་རིང་། ༢༽ སློབ་བུ་བསྟན་འཛིན་ཟླ་བ། ༣༽ སྐལ་བཟང་ཆོས་སྐྱིད་བཅས་དང་། ནུབ་ཡུ་རོབ་ཀྱི་སྐུ་ཚབ་བཀའ་ཟུར་སྐུ་ངོ་བཀྲིས་དབང་འདུས་མཆོག་བརྒྱུད་ནས་སི་པེན་སྦར་སི་ལོ་ན་བོད་རིགས་མཐུན་ཚོགས་ནས་ཉམ་ཐག་སློབ་ཕྲུག་བུ་མོ་༢ ལ་སློབ་ཡོན་རོགས་རམ་ཟླ་རེར་ཨ་སྒོར་ ༣༠ ཐམ་པ་ཕྱི་ལོ་ ༢༠༠༩ ཟླ་ ༤ ནས་གནང་གཏན་འཁེལ་ཡོད། གཞན་ཡང་ཨ་རི་མང་ཡུལ་སྐྱིད་གྲོང་སྐྱིད་སྡུག་ཚོགས་པ་ནས་ཉམ་ཐག་ཕྲུ་གུ་ ༧ ལ་སློབ་ཡོན་རོགས་རམ་གནང་མུས་ཁར་ཡང་བསྐྱར་ཉམ་ཐག་སློབ་ཕྲུག ༡༠ ལ་ཕྱི་ལོ་ ༢༠༠༩ ཟླ་ ༥ ནས་རོགས་རམ་གནང་རྒྱུ་གནང་འདུག་པས་དེའི་ཁོངས་ནས་སློབ་ཕྲུག ༡ སྐྱིད་སྡུག་ཚོགས་པ་ནས་རོགས་རམ་གནང་རྒྱུ་དང་གཞན་སློབ་ཕྲུག ༩ ལ་སྦྱིན་བདག་ཐོབ་འདུག སྦྱིན་བདག་རྣམས་ཀྱི་མཚན་གཞུང་གཤམ་གསལ་ལྟར་ཡིན།
༡༽ ཉི་མ་དོན་གྲུབ། ༢༽ པདྨ་དགའ་གཞོན། ༣༽ གཉེ་ཤར་བློ་བཟང་ཆོས་འཕེལ། ༤༽ བསོད་ནམས་རྒྱ་མཚོ། ༥༽ བསྟན་འཛིན་སྒྲོལ་དཀར། ༦༽ སྤེན་པ། ༧༽ རྫོགས་བཟང་། ༨༽ བསྟན་འཛིན་ཕྱག་རྡོར། ༩༽ ཉི་མ་སྒྲོལ་དཀར་བཅས་གོང་འཁོད་སྦྱིན་བདག་རྣམས་ནས་ཕྲུ་གུ་ཚོར་སྔོན་འགྲོའི་སློབ་གྲྭ་ནས་སློབ་ཐོན་མ་བྱུང་བར་དུ་སློབ་ཡོན་རོགས་རམ་གནང་རྒྱུ་གནང་བར་འདི་ལས་ཁུངས་ནས་ཚོགས་པ་དང་སྦྱིན་བདག་རྣམས་ཀྱི་རྒྱལ་གཅེས་དང་གཞན་ཕན་ལྷག་བསམ་ལ་བཅོས་མིན་བསྔགས་བརྗོད་དང་ཐུགས་རྗེ་ཆེ་གྲངས་མེད་ཞུ་བཞིན་ཡོད།
