༢༠༠༩ ཕྱི་ཟླ་ ༩ ཚེས་ ༢༩ རེས་གཟའ་དམིག་དམར།
༄༅། །དཔལ་ལྡན་བཀའ་ཁྲི་ཟམ་གདོང་རིན་པོ་ཆེ་མཆོག་ཕྱི་ལོ་ ༢༠༠༩ ཟླ་ ༩ ཚེས་ ༣༠ ཕྱི་དྲོ་རྡ་ས་ནས་ཅཀྐཱི་བྷེངྐ་བརྒྱུད་ཕེབས་ཐོན་གྱིས་ཟླ་ ༡༠ ཚེས་ ༡ སྔ་དྲོ་ལྡི་ལིར་ཕེབས་འབྱོར་གནང་རྒྱུ་དང་། ཀུ་མཱར་སྦཱ་མཱི་རྗེས་དྲན་དུ་གསུང་བཤད་ཀྱི་མཛད་འཆར་ནང་མཉམ་ཞུགས་གནང་རྒྱུ། དེ་རྗེས་ཕྱི་ཚེས་ ༢ ཉིན་འཚེ་མེད་ཞི་བའི་ཐེབས་རྩ་ཞིག་གི་ཚོགས་འདུར་མཉམ་ཞུགས་གནང་རྒྱུ་དང་། ཕྱི་ཚེས་ ༣ ཉིན་ལྡི་ལི་ནས་སཀི་སར་ས་ཐོག་ཏུ་ཕེབས་ཐོན་གྱི་རྒྱ་གར་ནང་པ་རྣམས་ཀྱི་ནང་ཆོས་ངོ་སྤྲོད་ཀྱི་ཟབ་སབྱོང་ཐོག་གསུང་བཤད་གནང་རྒྱུ་དང་། ཕྱི་ཚེས་ ༤ ཟབ་སབྱོང་ཉིན་མཐའ་མར་གསུང་བཤད་གནང་རྒྱུ། ཕྱི་ཚེས་ ༥ ཉིན་སཀི་ས་ནས་མེརཋ་ལ་ཕེབས་ཐོན་གྱིས་བདག་ཉིད་ཆེན་པོ་གན་དྷིས་ཧཱིན་བྷཝ་རཇ་ཕྱག་དེབ་ལྗགས་རྩོམ་གནང་ནས་མི་ལོ་བརྒྱ་འཁོར་བའི་བགྲོ་གླེང་ཚོགས་འདུར་སྐུ་མགྲོན་གཙོ་བོར་ཕེབས་བཞུགས་གནང་རྒྱུ་དང་ཕྱི་ཚེས་ ༧ ཉིན་ལྡི་ལི་ནས་ཅཀྐི་བྷེངྐ་བརྒྱུད་རྡ་སར་ཕེབས་འབྱོར་གནང་རྒྱུ་ཡིན་པ་བཅས་སོ།
