༢༠༠༩ ཕྱི་ཟླ་ ༨ ཚེས་ ༡ རེས་གཟའ་སྤེན་པ།
༄༅། སུད་སི་འཇི་ནི་ཝར་ཡོད་པའི་རྒྱལ་སྤྱིའི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཚོགས་ཀྱི་སྐུ་ལྕམ་ན་ཝ་ནེ་ཐེམ་པི་ལ་ཡེ་མཆོག་ལ།
ཆེད་ཞུ།
ད་ཉིན་བོད་ཀྱི་གློག་བརྙན་བཟོ་མཁན་སྐུ་ཞབས་དོན་གྲུབ་དབང་ཆེན་ལགས་ད་ལྟ་ནད་མནར་ཡིན་པ་ཟི་ལིང་དུ་ཁ་བྲལ་རིང་ལུགས་ཀྱི་ལས་དོན་ནང་ཞུགས་པའི་ཉེས་འཛུགས་འོག་ཁྲིམས་གཅོད་བྱེད་བཞིན་ཡོད་ན། ཁོང་ལ་སྨན་བཅོས་ཀྱི་མཐུན་རྐྱེན་སྤྲོད་ཆེད་ཆ་རྐྱེན་མེད་པའི་ཐོག་ནས་གློད་བཀྲོལ་ཡོང་ཐབས་སུ་སྐུ་ཉིད་ནས་ཐེ་གཏོགས་ཡོད་པ་ཞུ་རྒྱུ་ཡིན།
ཁོང་ནི་ཕྱི་ལོ་ ༢༠༠༨ ཟླ་ ༣ ནང་རྒྱ་ནག་འགོ་ཁྲིད་རྣམས་ཀྱིས་འཛིན་བཟུང་བྱས་པ་དང་། ཁོང་གི་ཉེས་པ་ནི་བོད་མི་རྣམས་ནས་རྒྱལ་སྤྱིའི་རྩེད་འགྲན་མ་ཚུགས་པའི་ཟླ་ཤས་སྔོན་དེའི་ཐོག་བསམ་ཚུལ་བསྡུ་རུབ་བྱས་པ་དེ་ཡིན། གནད་དོན་གཅིག་ཐོག་མི་མང་གི་བསམ་ཚུལ་བསྡུ་རུབ་བྱེད་རྒྱུ་དེ་རྒྱ་ནག་གི་ཁྲིམས་དང་འགལ་བ་གང་ཡང་མ་རེད།
ཁོང་གི་ནང་མི་དང་བུ་ཕྲུག་བཞི་བཅས་རྒྱ་གར་དུ་ཡོད་ཀྱང་དེ་དག་ལ་འབྲེལ་བ་བྱེད་དུ་བཅུག་མེད། དེས་ན་ངེད་ཅག་གིས་གནད་དོན་འདི་རྒྱ་ནག་གི་འགོ་ཁྲིད་རྣམས་ལ་གང་མགྱོགས་ཞུ་བསྐུལ་ཡོད་པ་ཞུ་རྒྱུ་ཡིན། བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་ནས་ཕྱི་ལོ་ ༢༠༠༩ ཟླ་ ༡ ཚེས་ ༨ ཉིན་ཕུལ།
འདྲ་བཤུས།༔སྐུ་ལྕམ་ཨེ་རི་ནི་ཁན། སྤྱི་ཁྱབ་དྲུང་ཆེ། རྒྱལ་སྤྱིའི་ཉེས་ཡངས་ཚོགས་པ། འཇི་ནི་ཝ།
