༢༠༠༩ ཕྱི་ཟླ་ ༨ ཚེས་ ༡༨ རེས་གཟའ་མིག་དམར།

༄༅། །དཔལ་ལྡན་བཀའ་ཁྲི་ཟམ་གདོང་རིན་པོ་ཆེ་མཆོག་ཕྱི་ལོ་ ༢༠༠༩ ཟླ་ ༨ ཚེས་ ༢༠ དགོང་དྲོ་ཆུ་ཚོད་ ༥ པར་རྡ་ས་ནས་ཕེབས་ཐོན་གྱིས་ཅཀྐེ་བྷེངྐ་བརྒྱུད་ལྡི་ལི་དང་། དེ་ནས་ལཁན་ཨ་རུ་ཕེབས་འབྱོར་གནང་རྒྱུ། ཚེས་ ༢༢ ཉིན་ཀུ་མཱར་སྦཱམཱི་སྲོལ་རྒྱུན་རིག་པའི་བསྟི་གནས་ཁང་གི་འགན་འཛིན་ལྷན་ཚོགས་དང་ཚོགས་ཆེན་ལ་མཉམ་ཞུགས་གནང་རྒྱུ་དང་། ཚེས་ ༢༣ གི་ཕྱི་དྲོ་ཆུ་ཚོད་ ༥ པར་རྩོམ་སྒྲིག་ཚོགས་ཆུང་གི་ཚོགས་འདུར་ཚོགས་ཞུགས་གནང་རྒྱུ། ཚེས་ ༢༤ ཉིན་ལཁན་ཨ་རུ་ནས་ལྡི་ལིར་ཕེབས་འབྱོར་གྱིས་ཉིན་གུང་ཆུ་ཚོད་ ༡ ཐོག་རྒྱ་རིགས་མཁས་དབང་རྣམས་དང་མཇལ་མོལ་གནང་རྒྱུ། ཚེས་ ༢༥ ནས་ ༢༦ བར་མི་སྣ་ཁག་མཇལ་འཕྲད་གནང་རྒྱུ། ཚེས་ ༢༧ ཉིན་སྔ་དྲོ་ལྡི་ལིར་རྒྱ་གར་གྱི་གནད་ཡོད་མི་སྣ་མཇལ་འཕྲད་དང་བོད་དོན་སྐོར་གྱི་ཚོགས་འདུར་མཉམ་ཞུགས་གནང་རྒྱུ། ཚེས་ ༢༨ ཉིན་ཅཀྐི་བྷེངྐ་ནས་ཕེབས་ཐོན་གྱིས་རྡ་སར་ཕེབས་འབྱོར་གནང་རྒྱུ་ཡིན་པ་བཅས་སོ།