༢༠༠༩ ཕྱི་ཟླ་ ༨ ཚེས་ ༡༨ རེས་གཟའ་མིག་དམར།
༄༅། ཕྱི་ལོ་ ༢༠༠༩ ཟླ་ ༨ ཚེས་ ༣༠ ནས་ ༢༠༠༩ ཟླ་ ༩ ཚེས་ ༣༠ བར་རྡ་རམ་ས་ལར་ཕ་རན་སིའི་གྲོས་ཚོགས་གོང་མའི་འཐུས་མི་ཁག་གཅིག་གཟིགས་སྐོར་ཕེབས་རྒྱུ་ཡིན་པའི་མཚན་གཞུང་ངོ་སྤྲོད་གཤམ་གསལ།
༡༽སྐུ་ཞབས་ཇིན་ཕེ་རན་ཀོ་ཡི། ཧམ་བེར་ཊི། ཁོང་ཕྱི་ལོ་ ༡༩༥༢ ཟླ་ ༡༠ ཚེས་ ༡༧ ཉིན་སྐུ་འཁྲུངས། ཤར་ཕ་རན་སིའི་མངའ་སྡེ་ཕ་རན་ཁེ་ཀོམ་ཊེ་ནས་ཕེབས་པ་ཡིན། ལས་འགན།༔ གཞུང་གི་ཆེད་དམིགས་ལས་དོན་འགན་ཁུར། ཕྱི་ལོ་ ༡༩༩༨ ཟླ་ ༩ ནང་བློན་ཆེན་དུ་ཐོག་མར་འོས་བསྡུ་བརྒྱུད་བསྐོ་བཞག་བྱུང་བ་དང་། ཕྱི་ལོ་ ༢༠༠༨ ཟླ་ ༩ ནང་བསྐྱར་དུ་འདེམས་ཐོན་བསྐོ་བཞག་བྱུང་། UMP གྱི་ཐད་ཀར་ཚོགས་མི་ཞིག་མིན་ཡང་གཡས་ཕྱོགས་ཤོག་ཁ་དང་མཉམ་སྦྲེལ་དུ་བསྡད་ཡོད། ཕྱི་ལོ་ ༢༠༠༩ ཟླ་ ༡ ནས་བཟུང་ཕ་རན་སི་བློན་ཆེན་ལས་ཁུངས་ཀྱི་བོད་དོན་གནས་ཚུལ་སྡེ་ཚན་གྱི་ཚོགས་གཙོ་སྐུ་ཞབས་ལུ་ཨེ་སྡེ་བོ་རོ་ཡི་ཤི་ཡའི་ཚབ་ཏུ་ཚོགས་གཙོར་ཕེབས་ཡོད། ཕྱི་ལོ་ ༢༠༠༥ ཟླ་ ༥ ནང་རྡ་རམ་ས་ལར་གཞུང་འབྲེལ་བློན་ཆེན་གཟིགས་སྐོར་ཐོག་མ་དེའི་ནང་མཉམ་ཞུགས་གནང་ཡོད།
༢༽སྐུ་ཞབས་ཇིན་པའེ་རེ། པ་ལེན་ཀེཌ། ཁོང་ཕྱི་ལོ་ ༡༩༤༩ ཟླ་ ༨ ཚེས་ ༢ ཉིན་སྐུ་འཁྲུངས། ལྷོ་ཕ་རན་སིའི་མངའ་སྡེ་མི་ཌི་པའེ་རེ་ནི་སི་ནས་ཕེབས་པ་དང་ཁོང་ཕྱི་ལོ་ ༡༩༩༨ ཟླ་ ༩ ནང་བློན་ཆེན་དུ་ཐོག་མར་འོས་བསྡུ་བརྒྱུད་བསྐོ་བཞག་བྱུང་བ་དང་། ཕྱི་ལོ་ ༢༠༠༨ ཟླ་ ༩ ནང་བསྐྱར་དུ་འདེམས་ཐོན་བསྐོ་བཞག་བྱུང་། ལས་འགན།༔ སྤྱི་ཚོགས་ཞབས་ཞུའི་ནང་འཛིན་སྐྱོང་འགན་འཛིན།། སྤྱི་ཚོགས་རིང་ལུགས་ཚོགས་པའི་ཐད་ཀར་ཚོགས་མི་ཞིག་མིན་ཡང་། སྤྱི་ཚོགས་རིང་ལུགས་ཚོགས་པ་དང་མཉམ་སྦྲེལ་དུ་བསྡད་ཡོད། བོད་དོན་གནས་ཚུལ་སྡེ་ཚན་གྱི་ཚོགས་མི་ཡིན། ཕྱི་ལོ་ ༢༠༠༥ ཟླ་ ༥ ནང་རྡ་རམ་ས་ལར་གཞུང་འབྲེལ་བློན་ཆེན་གཟིགས་སྐོར་ཐོག་མ་དེའི་ནང་མཉམ་ཞུགས་གནང་ཡོད།
༣༽སྐུ་ཞབས་ཐི་རི། རི་པེན་ཊིན། ཁོང་ཕྱི་ལོ་ ༡༩༦༣ ལོའི་ཟླ་ ༤ ཚེས་ ༥ ཉིན་སྐུ་འཁྲུངས། སུད་སི་དང་ཨི་ཊ་ལིའི་ས་མཚམས་སྦྲེལ་བའི་ས་ཝོཡེ་མངའ་སྡེ་ནས་ཡིན། ཕྱི་ལོ་ ༢༠༠༤ ཟླ་ ༩ ནང་བློན་ཆེན་དུ་ཐོག་མར་འོས་འདེམས་བྱུང་། ལས་འགན།༔ འཛིན་སྐྱོང་འགན་འཛིན། སྤྱི་ཚོགས་རིང་ལུགས་ཚོགས་པ་དང་མཉམ་སྦྲེལ་དུ་བསྡད་ཡོད། སྔ་མ་བོད་དང་བལ་ཡུལ་དུ་འཚམས་འདྲི་གཟིགས་སྐོར་གནང་ཡོད། བོད་དོན་གནས་ཚུལ་སྡེ་ཚན་གྱི་ཚོགས་མི་ཡིན། རྡ་རམ་ས་ལར་ཐེངས་དང་པོ་ཕེབས་ཀྱི་ཡོད།
༤༽སྐུ་ལྕམ་ཇེ་ཁུ་ཡེ། ལ་ཡེན། པེ་ནི་སི། ཁོང་ཕྱི་ལོ་ ༡༩༤༨ ཟླ་ ༤ ཚེས་ ༡༦ ཉིན་སྐུ་འཁྲུངས། ཤར་ཕ་རན་སིའི་མངའ་སྡེ་ལོ་ར་ཡེན་ནས་ཕེབས་པ་ཡིན། ལས་འགན།༔ ཚོགས་སྡེའི་འགན་འཛིན། ད་ལྟའི་གཞུང་འཛིན་ཚོགས་པ་དང་མཉམ་སྦྲེལ་དུ་བསྡད་ཡོད། ཕྱི་ལོ་ ༢༠༠༧ ཟླ་ ༦ ནང་སྐུ་གཤེགས་སྐུ་ཞབས་ཇེག་ཁྱུ་བའོ་ཌོཊ་ཡི་ཚབ་ཏུ་བློན་ཆེན་དུ་ཕེབས། བོད་དོན་གནས་ཚུལ་སྡེ་ཚན་གྱི་ཚོགས་མི་ཡིན། རྡ་རམ་ས་ལར་ཐེངས་དང་པོ་ཕེབས་ཀྱི་ཡོད།
༥༽སྐུ་ཞབས་ཕི་ལི་པེ། བ་རོལ་ཊ། བློན་ཆེན་ལས་ཁུངས་ཀྱི་འཛིན་སྐྱོང་གནང་མཁན་ཡིན་པ་དང་། གཟིགས་སྐོར་བ་རྣམས་དང་ལྷན་དུ་བཅར་གྱི་ཡོད། བློན་ཆེན་ལས་ཁུངས་ཀྱི་རྒྱུན་ལྡན་ལས་བྱེད། རྡ་རམ་ས་ལར་ཐེངས་དང་པོ་ཕེབས་ཀྱི་ཡོད།
༦༽དབང་པོ་འབའ་ཞི། པེ་རི་སི་བོད་ཀྱི་དོན་གཅོད་ཁང་གི་དྲུང་ཆེ། ཁོང་གཟིགས་སྐོར་བ་རྣམས་དང་ལྷན་དུ་ཕེབས་ཀྱི་ཡོད་པ་དང་། གསུང་སྒྱུར་བ་དང་། ལས་རིམ་གོ་སྒྲིག་གི་འགན་ཁུར་བཞེས་ཀྱི་རེད།
ཕ་རན་སིའི་བློན་ཆེན་རྣམས་རྡ་རམ་ས་ལར་ཕེབས་བཅར་སྐབས་མཛད་རིམ་གལ་ཆེ་བ་རྣམས་གཤམ་གསལ།
༡༽༸གོང་ས་༸སྐྱབས་མགོན་རིན་པོ་ཆེ་མཆོག་མཇལ་བཅར།
༢༽༸རྒྱལ་བ་ཀརྨ་པ་རིན་པོ་ཆེ་མཆོག་མཇལ་བཅར།
༣༽བཀའ་བློན་ཁྲི་པ་མཆོག་དང་བཀའ་བློན་གཞན་རྣམས་དང་ལྷན་འཛོམས།
༤༽སྤྱི་འཐུས་ཚོགས་གཙོ་མཆོག་དང་སྤྱི་འཐུས་རྒྱུན་ལས་རྣམས་ལྷན་འཛོམས།
༥༽བོད་ཀྱི་གཞུང་འབྲེལ་མ་ཡིན་པའི་ཚོགས་པའི་སྐུ་ཚབ་ཁག་དང་ལྷན་འཛོམས།
༦༽གཞུང་འབྲེལ་དང་གཞུང་འབྲེལ་མ་ཡིན་པའི་སྡེ་ཚན་འདྲ་མིན་དུ་གཟིགས་སྐོར།
༧༽ཕྱི་དྲིལ་ལས་ཁུངས་ཚོགས་ཁང་དུ་གསར་འགོད་ལྷན་ཚོགས།
