༢༠༠༩ ཕྱི་ཟླ་ ༨ ཚེས་ ༡༢ རེས་གཟའ་ལྷག་པ།
ནོར་ལྷ་ལགས།
༄༅། །འདི་གར་ཁུངས་ལྡན་གྱི་གནས་ཚུལ་འབྱོར་བར་གཞིགས་ན། ཕྱི་ལོ་ ༢༠༠༩ ཟླ་ ༦ ཚེས་ ༢༧ ཉིན་སྡེ་དགེ་འཇོ་མདའ་རྫོང་ཁོངས་པདྨ་ཤང་དང་གནས་མདོ་ཤང་སྡེ་ཁོངས་སུ་གཏོགས་པའི་སྟག་ལུང་དགོན་པར་གྲྭ་པ་གཅིག་ཀྱང་སྡོད་མཁན་མེད་པར་ཟླ་གཅིག་ལྷག་སོང་བར་བརྟེན་རྒྱ་གཞུང་ནས་པདྨ་སྨད་པའི་གནད་ཡོད་འགན་འཁུར་བ་རྣམས་ལ་དགེ་འདུན་པ་དེ་དག་དགོན་པར་བསྡུ་སྐོང་དགོས་པའི་བཙན་བཀའ་ཐེངས་མང་བཏང་ཡང་དགེ་འདུན་པ་རྣམས་དགོན་པར་ཕྱིར་ལོག་བྱེད་མཁན་མེད་སྟབས་ཤང་གི་ལས་བྱེད་ནས་ལས་དོན་སྒྲུབ་མེད་པར་བསྙད་ནས་དེ་ཉིན་ཤང་གི་ལས་བྱེད་འགྱུར་མེད་མགོན་པོ་དང་རྒྱལ་ཚང་རྡོ་རྗེ་རྒྱ་དམག་གིས་འཛིན་བཟུང་བྱས་ཏེ་སྐྱབས་ཆེ་
བྱམས་པ་ལགས།
དགོན་ཕྱོགས་སུ་འཁྲིད་པའི་སྐབས་ཡུལ་མི་ ༢༠ ལྷག་ཙམ་གྱིས་ལམ་ཁ་བཀག་པར་བརྟེན་རྒྱ་དམག་དང་འཁྲུག་འཛིང་ཤོར་ཏེ་བོད་མི་མང་པོ་ཞིག་ལ་རྨས་སྐྱོན་བཏང་ཡོད་པ་དང་། དེ་བཞིན་ཉིན་དེར་ཡུལ་མི་ཨ་ཤག་ཚང་ནོར་ལྷ་རང་ལོ་ ༤༧ དང་། མགོན་པོ་དར་རྒྱས་རང་ལོ་ ༤༤ གཉིས་འཇོ་མདའ་རྫོང་དུ་ཁྲིད་ཡོད་པ་དང་། དེ་ཉིན་སྐྱབས་ཆེ་དགོན་པ་ནས་འཛིན་བཟུང་བྱས་པའི་རྒྱལ་མཚན་ཚང་བྱམས་པ་རང་ལོ་ ༤༦ དང་། བུ་ལྷུག་རང་ལོ་ ༥༦། དམུ་ཚ་ཚང་ཚེ་བརྟན་རང་ལོ་ ༤༠ བཅས་ཕྱི་ཟླ་ ༧ ཚེས་ ༢ ཉིནའཇོ་མདའ་རྫོང་དུ་འཛིན་བཟུང་བཀག་ཉར་བྱས་ཡོད་པའི་ཁོངས་ནས་བྱམས་པ་དང་། བུ་ལྷུག
བུ་ལྷུག་ལགས།
ཚེ་བརྟན་གསུམ་ཕྱི་ཟླ་ ༨ ཚེས་ ༤ ཉིན་ཆབ་མདོར་ཁྲིད་དེ་དུས་བཀག་བཙོན་འཇུག་ལོ་ ༢ རེའི་ཁྲིམས་ཐག་བཅད་འདུག་ཀྱང་ཉེས་འཛུགས་གང་ཞིག་བྱས་ཡོད་མེད་ཁ་གསལ་མི་འདུག དེ་མིན་ཨ་ཤག་ཚང་ནོར་ལྷ་དང་མགོན་པོ་དར་རྒྱས་གཉིས་སྔོན་མ་ནས་ཞི་རྒོལ་གྱི་སྣེ་ཁྲིད་པ་ཡིན་ཚུལ་བཤད་ཡོད་ཀྱང་ད་ལྟ་མུ་མཐུད་ནས་འཇོ་མདར་བཀག་ཉར་བྱེད་བཞིན་པ་ལས་ཁྲིམས་ཐག་བཅད་པའི་གནས་ཚུལ་ཁ་གསལ་མི་འདུག
གཞན་ཡང་འཇོ་མདའ་ས་གནས་ཀྱི་ཞིང་པ་རྣམས་ནས་འདི་ལོ་ས་ཞིང་འདེབས་ལས་མ་བྱས་པའི་
ཚེ་བརྟན་ལགས།
གནས་ཚུལ་ཡོངས་གྲགས་དང་། ཟླ་ཤས་སྔོན་རྒྱ་གཞུང་འབྲེལ་ཡོད་ལས་བྱེད་རྣམས་ཀྱིས་འབྲོག་པ་རྣམས་ལ་འདི་ལོ་ཤ་མང་ཙམ་ཐོན་སྐྱེད་བྱེད་པ་ལས་རྩ་བ་ནས་ཆད་མི་ཆོག་པའི་སྐོར་ཤོད་སྐབས་འབྲོག་པ་རྣམས་ནས་ང་ཚོ་ནང་ཆོས་ཀྱི་ལམ་སྲོལ་ལྟར་མི་ཤི་སྐྱོན་ཆག་བྱུང་སྐབས་སྒོ་བཤས་སྤངས་བ་ཡིན་ན་དགེ་རྩའི་ཕན་ཡོན་ཆེན་པོ་ཡོད་པས་ན་ནིང་བོད་མི་མང་པོ་རྐྱེན་འདས་སུ་ཕྱིན་པ་རྣམས་ལ་གདུང་སེམས་མཉམ་སྐྱེ་མཚོན་ཆེད་འདི་ལོ་སྒོ་བཤས་སྤོང་འཆར་ཡོད་སྐོར་བཤད་དེ་ཕྱུགས་ཟོག་གཅིག་ཀྱང་བཤས་ལ་མ་ཕབ་བར་བརྟེན་འཇོ་མདའ་རྫོང་ཐོག་ཏུ་ཤ་ཉོ་ཚོང་བྱ་རྒྱུ་མེད་པ་གྱུར་བའི་གནས་ཚུལ་བྱུང་འདུག
མགོན་པོ་དར་རྒྱས་ལགས།
