༢༠༠༩ ཕྱི་ཟླ་ ༨ ཚེས་ ༡༡ རེས་གཟའ་མིག་དམར།

ཨེ་པི་གསར་ཁང་ནས་གནས་ཚུལ་སྤེལ་གསལ་ལྟར་ན། ཨ་རིའི་སྤྱི་དམངས་དྲང་བདེན་འགྲེམས་སྟོན་ཁང་ The National Civil Rights Museum གི་བོད་ཀྱི་ཆོས་སྲིད་ཉིད་ཀྱི་མངའ་བདག་༸སྐྱབས་མགོན་༸རྒྱལ་བའི་དབང་པོ་ཐམས་བཅད་མཁྱེན་པ་མཆོག་ལ་རྒྱལ་སྤྱིའི་རང་དབང་གི་གཟེངས་རྟགས་ཤིག་ཕྱི་ལོ་ ༢༠༠༩ ཟླ་ ༩ ཚེས་ ༢༣ ཉིན་འབུལ་རྒྱུའི་གནས་ཚུལ་ཐོན་འདུག དེ་ཡང་༸གོང་ས་༸སྐྱབས་མགོན་ཆེན་པོ་མཆོག་ནས་སྤྱིར་འཛམ་གླིང་འདིའི་སྟེང་དྲང་བདེན་མེད་པ་དང་དྲག་གནོན་འོག་ལྷུང་བའི་བོད་མིའི་དཀའ་སྡུག་སེལ་ཐབས་ཆེད་ཞི་བདེའི་ངང་རྩོད་ལེན་གནང་མུས་དང་། དེ་བཞིན་འཛམ་གླིང་འདིའི་སྟེང་ཞི་བདེ་དང་འགྲོ་བ་མིའི་རིན་ཐང་གོང་སྤེལ། ཆོས་ལུགས་རིས་མེད་ཕན་ཚུན་མཐུན་ལམ། འཛམ་གླིང་ཀུན་ཁྱབ་འགན་ཁུར་སོགས་སྐུ་ངལ་འཛེམས་མེད་སྐྱོན་བཞིན་པར་བརྟེན་གཟེངས་རྟགས་འདི་འབུལ་རྒྱུའི་ཐགས་གཅོད་བྱས་པ་རེད་འདུག

སྤྱི་དམངས་དྲང་བདེན་འགྲེམས་སྟོན་ཁང་གི་ཚོགས་གཙོ་སྐུ་ཞབས་ Benjamin L Hooks ལགས་ཀྱི་གསུང་གསལ། ༸གོང་ས་མཆོག་ནི་ནོ་བེལ་ཞི་བདེའི་གཟེངས་རྟགས་ཞེས་མྱོང་མཁན་དང་འགྲོ་བ་མིའི་ཐོབ་ཐང་རྩོད་ལེན་པ་མ་ཏཱན་ལུ་ཐར་ཀིང་ Martin Luther King དང་བདག་ཉིད་ཆེན་པོ་གྷྷན་དི་ Mahatma Gandhi རྣམ་གཉིས་ཀྱི་དཔེ་མཚོན་འཚོ་བཞིན་བཞུགས་པ་ཞིག་ཡིན། ཁོང་གཉིས་ནི་སོ་སོའི་སྐུ་ཚེ་ཧྲིལ་པོ་ཞི་བདེ་དྲང་བདེན་ཁོ་ནའི་ཆེད་ཕྱག་ལས་གནང་མཁན་ཞིག་ཡིན་པ་ལྟར་༸གོང་ས་མཆོག་ཀྱང་དེ་མཚུངས་ཀྱི་ཞི་བདེ་དང་དྲང་བདེན་ཆེད་མཛད་འཕྲིན་བསྐྱངས་དང་སྐྱོང་མུས་ཡིན་པ་སོགས་ཀྱི་འགྲེལ་བརྗོད་གནང་བ་བཅས་ཀྱི་གནས་བསྡུས་སུ།