༢༠༠༩ ཕྱི་ཟླ་ ༨ ཚེས་ ༡༩ རེས་གཟའ་ལྷག་པ།
༄༅། །ཕྱི་ལོ་ ༢༠༠༩ ཟླ་༨ ཚེས་ ༡༤ ཉིན་༸གོང་ས་མཆོག་ནས་ལ་དྭགས་ལུང་ཁུག་ཐག་རིང་གི་ས་ཁུལ་ཟངས་དཀར་ཞེས་པ་ཞིག་དང་དཀར་སྒིལ་དེ་བཞིན་ནུབ་རྭ་སོགས་ནང་ཡོད་པའི་བྱིིས་པ་ཉམ་ཐག་རྣམས་ལ་འཇམ་དབྱངས་སློབ་གྲྭ་ཞེས་པ་ཞིག་གསར་འཛུགས་དང་དབུ་འབྱེད་བསྐྱངས་ཡོད། འཇམ་དབྱངས་སློབ་གྲྭ་དེ་ནི་༸གོང་ས་མཆོག་གི་རོགས་དངུལ་ཐེབས་རྩའི་རོགས་རམ་འོག་བཙུགས་པ་དང་སློབ་གྲྭ་དེའི་འཛིན་སྐྱོང་དང་སྟངས་འཛིན་སླེའི་ནང་ཡོད་པའི་ན་ལེཎྡྲའི་ནང་པའི་ཆོས་ཚོགས་ནས་གནང་རྒྱུ་ཡིན་འདུག ༸གོང་ས་མཆོག་གིས་སློབ་གྲྭའི་འཛིན་སྐྱོང་འགན་འཛིན་རྣམས་ལ་སློབ་ཕྲུག་དེ་དག་ལ་བོད་ཀྱི་ནང་ཆོས་སློབ་ཁྲིད་དང་དེང་དུས་ཚན་རིག་སློབ་སྦྱོང་སོགས་སྤྲོད་དགོས་པའི་བཀའ་སློབ་ཕེབས་འདུག སླེ་འཇམ་དབྱངས་སློབ་གྲྭའི་དྲུང་ཆེ་ཚེ་རིང་བསོད་ནམས་ལགས་ཀྱིས་བརྗོད་གསལ་ལ་འཛིན་སྐྱོང་སྐུ་ཚབ་དང་། ས་གནས་ཁག་སོ་སོའི་སྐུ་ཚབ། འཇམ་དབྱངས་སློབ་གྲྭའི་ངེས་སྟོན་པ་བཅས་ལུང་ཁུག་ཐག་རིང་ས་ཁུལ་སོ་སོར་བསྐྱོད་ནས་སློབ་མ་འོས་འཚམས་རྣམས་འདེམས་སྒྲུག་གནང་ཡོད་སྐོར་དང་སློབ་ཕྲུག་གསར་འདེམས་ཀྱི་ཚོགས་ཁག་དང་པོའི་ནང་ཡོད་པའི་སློབ་མ་རྣམས་ལ་དྭགས་འབྲོག་སའི་ས་ཁུལ་རྡ་ཧ་ནུ་ནས་ཡིན་འདུག
འཛིན་རིམ་ལྔ་པའི་བར་གྱི་སློབ་མ་རྣམས་ལ་སྡོད་གནས་ཉལ་ཁང་གི་ཆ་རྐྱེན་ཡང་བསྐྲུན་ཡོད། སློབ་གྲྭ་དེའི་ནང་ད་ཡོད་སློབ་མ་གྲངས་དྲུག་བཅུ་ཙམ་ཡོད་འདུག་པ་བཅས་ཀྱི་གནས་བསྡུས་སུ།
