༢༠༠༩ ཕྱི་ཟླ་ ༧ ཚེས་ ༢༢ རེས་གཟའ་ལྷག་པ།
༄༅། །ཕྱི་དྲིལ་བཀའ་བློན་སྟག་ལྷ་སྐལ་བཟང་དབྱངས་སྐྱིད་མཆོག་དང་ཐེ་ཝན་སློབ་མ་སྣོད་རུང་ཁག་གཅིག་ནས་ཇི་ལྟར་གསོལ་བ་ཕུར་ཚུགས་སུ་བཏབ་པ་བཞིན་བཀའ་བཞེས་བཟང་པོ་སྨིན་སྩལ་ཐོབ་པ་ལྟར། ཕྱི་ལོ་ ༢༠༠༩ ཟླ་ ༧ ཚེས་ ༢༡ སྔ་དྲོའི་ཆུ་ཚོད་ ༩།༣༠ ཕྱེད་ཀའི་ཐོག་ཕྱི་དྲིལ་བཀའ་བློན་དབུས་ཐེ་ཝན་དད་ལྡན་ཆོས་ཞུ་བ་ཚོས་སྤོས་སྣེས་སྔོན་བསུས་ཏེ་ཕོ་བྲང་ནས་གདན་ཞུས་ཀྱིས་ཆིབས་སྒྱུར་སྐབས་ཕེབས་ལམ་གཡས་གཡོན་དུ་དད་ཅན་སེར་སྐྱ་མང་པོས་ལག་ཏུ་མཇལ་དར་ཐོགས་ཏེ་མགོན་པོ་གང་ཉིད་མཆོག་བཞུགས་ཁྲི་རིན་པོ་ཆེ་བར་ཕེབས་བསུ་གཟབ་རྒྱས་ཞུས་ཡོད་པ་རེད།
ཐེངས་འདིའི་བཀའ་དབང་ལ་ཐེ་ཝན་ཆོས་ཞུ་བ་དང་རང་རིགས་སེར་སྐྱ་མི་མང་བརྒྱ་ཕྲག་བརྒལ་བ་བཅར་ཡོད་པ་མ་ཟད། དེ་བཞིན་རྒྱ་ནག་སྐམ་ས་ཆེན་པོ་ནས་ཀྱང་དད་ལྡན་པ་ཁག་གཅིག་མཉམ་ཞུགས་གནང་ཡོད་པ་རེད། དེ་ཡང་ཕྱི་ཟླ་ ༧ ཚེས་ ༢༡ སྔ་དྲོ་ཆུ་ཚོད་ ༩།༣༠ ནས་ ༡༡ བར་དང་། ཕྱེད་ཡོལ་ཆུ་ཚོད་ ༡ ནས་ ༣ བར་སྔོན་འགྲོའི་ཆོས་འབྲེལ་དང་། ཕྱི་ཚེས་ ༢༢ དང་ ༢༣ གི་སྔ་དྲོ་སྒྲུབ་ཞག་སྔོན་དུ་བཏང་སྟེ་ཕྱེད་ཡོལ་ཆུ་ཚོད་ ༡ ནས་འཇིགས་བྱེད་ལྷ་བཅུ་གསུམ་པའི་དངོས་གཞིའི་བཀའ་དབང་སྩལ་གནང་རྒྱུ་ཡིན་འདུག
