༢༠༠༩ ཕྱི་ཟླ་ ༦ ཚེས་ ༡༨ རེས་གཟའ་ཕུར་བུ།
སྐུ་མགྲོན་རྣམ་པས་འགྲེམས་སྟོན་ཁང་དུ་བོད་ཀྱི་ཐུན་མོང་མ་ཡིན་པའི་ཁྱད་ཆོས་ཅན་གྱི་ཤིང་ཕོར་དང་། བུམ་པ་སྐེ་རིང་སོགས་ལ་གཟིགས་ཞིབ་གནང་བཞིན་པ།
༄༅། །༢༠༠༩ ཕྱི་ཟླ་ ༥ ཚེས་ ༢༢ ནས་ ༢༤ བར་ཉིན་གྲངས་གསུམ་རིང་ཌལ་ཧོར་ས་གནས་འགོ་འཛིན་ལས་ཁང་གི་གོ་སྒྲིག་ཞུས་ཏེ་བོད་གཞུང་ཕྱི་དྲིལ་ལས་ཁུངས་ཀྱི་འགྲེམས་སྟོན་ཚན་པ་དང་། ཌལ་ཧོར་བོད་གཞུང་གཏན་སློབ། བཟོ་གྲྭ་སོགས་གཞུང་དང་གཞུང་འབྲེལ་མ་ཡིན་པའི་ཚོགས་སྐྱིད་ཁག་མཉམ་ཞུགས་ཐོག་ (G.P.O) ཁྲོམ་གཞུང་གི་དཔེ་མཛོད་ཁང་དུ་བོད་ཀྱི་ཐུན་མོང་མ་ཡིན་པའི་ཆོས་དང་། རིག་གཞུང་། ཡུལ་གོམས་སོགས་ཀྱི་སྐོར་ལ་འགྲེམས་སྟོན་ཞིག་གནང་ཡོད་པ་རེད།
བོད་མི་བཙན་བྱོལ་དུ་གྱར་ནས་མི་ལོ་ ༥༠ འཁོར་བའི་དཔར་རིགས་ཁག་གི་འགྲེམས་སྟོན་ལ་དགྱེས་གཟིགས་གནང་བཞིན་པ།
དེ་ཡང་གོང་ཚེས་སྔ་དྲོའི་ཆུ་ཚོད་ ༡༠།༣༠ ཐོག་ཌལ་ཧོར་ས་གནས་འགོ་འཛིན་ཚེ་བརྟན་འཇིེགས་མེད་ལགས་དང་། གྲོང་སྡེ་རང་སྐྱོང་ལྷན་ཚོགས་ཀྱི་ཚོགས་གཙོ་ Shri Manoj Chaddha ཧིན་བོད་མཛའ་འབྲེལ་ཚོགས་པའི་ཚོགས་གཙོ་ Dr. Dhillon ཨར་པ་ནའི་སྨན་ཁང་གི་འགན་འཛིན་ Dr.Chakravorti གྲོང་སྡེ་རང་སྐྱོང་ལྷན་ཚོགས་ཀྱི་ཚོགས་གཙོ་ཟུར་པ་ Mr.Balbir Jootla གྲོང་སྡེ་རང་སྐྱོང་ལྷན་ཚོགས་ཀྱི་སྤྱི་ཁྱབ་དྲུང་ཆེ་ Shri.Kartar Singh ཌལ་ཧོར་
བོད་ཀྱི་སྲོལ་རྒྱུན་གྱི་ཐོག་ནས་བཟོས་པའི་བོད་ཟས་འདྲ་མིན་ལ་གཟིགས་བཞིན་པ།
གཏན་སློབ་ཀྱི་སློབ་སྤྱི་ Shri.RK Shrivastava བཅས་དཔེ་མཛོད་ཁང་དུ་གདན་ཞུས་ཐོག་སྐུ་མགྲོན་གཙོ་བོ་གྲོང་སྡེ་རང་སྐྱོང་ལྷན་ཚོགས་ཀྱི་ཚོགས་གཙོ་མཆོག་ནས་དར་སྣེ་གཅོད་འབྲེག་གིས་འགྲེམས་སྟོན་དབུ་འབྱེད་གནང་རྗེས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་དཔར་མཐོང་གྲོལ་རིན་པོ་ཆེར་མཇལ་ཞུ་དང་སྦྲགས་ཧིན་བོད་མཛའ་འབྲེལ་ཚོགས་པའི་ཚོགས་གཙོ་མཆོག་ནས་སྣང་གསལ་ཞལ་ཕྱེ་གནང་། དེ་རྗེས་རང་གཞུང་ཕྱི་
ཌལ་ཧོར་གཏན་སློབ་ཀྱི་སློབ་མས་བོད་ཀྱི་ཐུན་མོང་མ་ཡིན་པའི་སྲོལ་རྒྱུན་གྱི་གཞས་སྣ་ཁག་འཁྲབ་སྟོན་ཞུ་བཞིན་པ།
དྲིལ་ལས་ཁུངས་ཀྱི་འགྲེམས་སྟོན་ཚན་པ་ནས་བོད་མི་བཙན་བྱོལ་དུ་གྱར་ནས་མི་ལོ་ ༥༠ འཁོར་བའི་དཔར་རིགས་ཁག་འགྲེམས་སྟོན་དང་། དེ་བཞིན་བོད་ཀྱི་ཐུན་མོང་མ་ཡིན་པའི་སྲོལ་རྒྱུན་གྱི་རིག་དངོས་སྐུ་ཐང་དང་། སྐུ་འདྲ། གའུ། གཞན་ཡང་ཆོས་ཕྱོགས་དང་ཆོས་ཕྱོགས་མ་ཡིན་པའི་ཅ་དངོས་མང་པོ་ཞིག་འགྲེམས་སྟོན་གནང་བར་སྐུ་མགྲོན་རྣམ་པ་དང་། ས་གནས་མི་མང་བཅས་ནས་དོ་སྣང་ཆེན་པོས་གཟིགས་ཞིབ་དང་སྦྲགས་བསྔགས་བརྗོད་ཀྱི་མེ་ཏོག་སྣ་མང་གཏོར།
དེ་ནས་ཌལ་ཧོར་ས་གནས་ལས་དྲུང་ནས་ལས་རིམ་སྙན་སྒྲོན་དང་སྦྲགས་ཁྲོམ་གཞུང་གི་མདུན་ཐང་དུ་མཛད་སྒོ་དངོས་གཞི་འགོ་འཛུགས་ཀྱི་ཐོག་མར་སེར་སྐྱ་མང་ཚོགས་ཚང་མས་སྐུ་བཞེངས་ཐོག་ཌལ་ཧོར་གཏན་སློབ་རོལ་དབྱངས་ཚོགས་པས་རྔ་རོལ་དང་བཅས་འཕགས་བོད་གཉིས་ཀྱི་རྒྱལ་གླུ་བཏང་རྗེས་ཌལ་ཧོར་གཏན་སློབ་ཀྱི་སློབ་སྤྱིས་དུས་དྲན་ངོ་སྤྲོད་དང་འབྲེལ་འཕགས་བོད་གཉིས་ཀྱི་ལོ་རྒྱུས་ནི་བསུབ་ཏུ་མེད་པའི་འབྲེལ་ལམ་ཡིན་སྐོར་གཏམ་བཤད་སྤེལ་གྲུབ་མཚམས་མགྲོན་གྱི་གཙོ་བོ་མཆོག་ནས་ས་གནས་ཡུལ་མི་དང་བོད་མིའི་དབར་མཐུན་འབྲེལ་གང་ལེགས་དགོས་པའི་བསམ་འཆར་དང་། གཞོན་སྐྱེས་རྣམས་ཕ་མེས་ནས་བརྒྱུད་པའི་བོད་ཀྱི་ཐུན་མོང་མ་ཡིན་པའི་བཟང་པོའི་ཁྱད་ཆོས་ཁག་རྒྱུན་འཛིན་དགོས་པའི་འབོད་སྐུལ་ཞུས་ཡོད།
མཐའ་དོན་ས་གནས་འགོ་འཛིན་ནས་བོད་ཀྱི་ལོ་རྒྱུས་ནང་དེ་སྔ་བྱུང་མྱོང་མེད་པའི་དུས་ཚོད་གཉན་འཕྲང་ཅན་འདིའི་སྐབས་གནས་ཡུལ་རྒྱ་གར་གཞུང་མང་ཡོངས་ནས་གང་ཅིའི་མཐུན་གྱུར་གནང་བར་སྙིང་ཐག་པ་ནས་ཐུགས་རྗེ་ཆེ་ཞུའི་གཏམ་བཤད་གནང་སྟེ་གཞུང་འབྲེལ་གྱི་དངོས་གཞིའི་མཛད་སྒོ་ཁག་གྲུབ།
དེ་ནས་རིམ་པས་སྐུ་མགྲོན་རྣམ་པར་བཟོ་གྲྭའི་ཐོན་སྐྱེད་རུམ་གདན་དང་། ཟས་རིགས་འདྲ་མིན་འགྲེམས་སྟོན་གྱི་ལམ་ནས་སྤྱན་བསྟར་ཞུས་པ་དང་། ཕྱི་དྲོ་ཌལ་ཧོར་གཏན་སློབ་ཀྱི་སློབ་མས་བོད་ཀྱི་ཐུན་མོང་མ་ཡིན་པའི་སྲོལ་རྒྱུན་གྱི་གཞས་སྣ་ཁག་དང་། གཡག་དང་སེང་གེ་བཅས་ཀྱི་ཞབས་བྲོ་འཁྲབ་སྟོན་ཞུས་བསྟུན་ཕྱི་དྲོ་བོད་གཞུང་ཕྱི་དྲིལ་ལས་ཁུངས་ནས་དངོས་ཡོད་ཀྱི་ལམ་ནས་བོད་ཀྱི་བདེན་པའི་ལོ་རྒྱུས་དང་འབྲེལ་བའི་གློག་བརྙན་བསྟན་པ་སོགས་ཀྱི་གནས་བསྡུས་སུ།
