༢༠༠༩ ཕྱི་ཟླ་ ༦ ཚེས་ ༡༨ རེས་གཟའ་པ་སངས།
༄༅། །༢༠༠༩ ཕྱི་ཟླ་ ༦ ཚེས་ ༡ སྔ་དྲོ་ཀུམ་རའི་སེར་སྐྱ་མང་ཚོགས་རྣམས་བཟོ་གྲྭའི་མདུན་ཐང་དུ་འདུ་འཛོམས་ཀྱིས་ས་གནས་འགོ་འཛིན་ནས་ལུས་སྦྱོང་བའི་དགེ་རྒན་ཆོས་དར་ལགས་ངོ་སྤྲོད་དང་སྦྲགས་མང་ཚོགས་རྣམས་ནས་ཐུགས་སྣང་ཆེ་བཞེས་ཐོག་མཉམ་ཞུགས་གནང་བ་ཙམ་དུ་མ་ཟད། རྒྱུན་གཏན་ལུས་སྦྱོང་ཐོག་གལ་གནད་ཆེན་པོ་ཡིན་སྐོར་སོགས་གཏམ་བཤད་སྤེལ་རྗེས་ལུས་སྦྱོང་དགེ་རྒན་ཆོས་དར་ལགས་ནས་མང་ཚོགས་ལ་འཚམས་འདྲི་དང་སྦྲགས་ཁོ་རང་འདིར་གཞུང་འབྲེལ་ཐོག་བཅར་ཐུབ་པ་དགའ་ཚོར་ཆེན་པོ་བྱུང་སྐོར་དང་། དེ་བཞིན་ཁོང་ནས་ལུས་སབྱོང་གནང་ཐུབ་ཚེ་ལུས་པོར་ཕན་ཐོགས་ཆེན་པོ་ཡོད་པ་དང་། ཡང་སྒོས་ལུས་སབྱོང་ཐད་ཀྱི་རྣམ་གྲངས་མང་པོ་ཞིག་ངོ་སྤྲོད་གནང་བ་དང་ཆབས་ཅིག་དེ་དག་གི་ཕན་ཡོན་ཇི་ཡོད་སྐོར་ལ་འགྲེལ་བརྗོད་རྒྱས་པ་གནང་། ཁོང་ནས་ཀུམ་རའོ་གཞིས་ཆགས་སུ་ཉིན་གྲངས་ལྔའི་རིང་སྔ་དྲོ་ཆུ་ཚོད་ ༧།༣༠ ནས་ ༩ བར་དང་། ཕྱི་དྲོ་ཆུ་ཚོད་ ༦ ནས་༧ བར་སབྱོང་བརྡར་སྤྲད་སྐབས་གཞིས་མི་ཁག་གཅིག་ནས་སོ་སོའི་ནད་རིགས་འདྲ་མིན་ཐད་ཀྱི་ལུས་སྦྱོང་བྱེད་སྟངས་སྐོར་ལ་ལམ་སྟོན་ཡང་ཞུ་རྒྱུའི་གོ་སྐབས་ཐོབ་ཡོད་པ་རེད།
ད་རེས་སམ་བྷོ་ཊའི་སྤྱི་ཁྱབ་ཡིག་ཚང་གི་ལས་བྱེད་རྒན་ཆོས་དར་ལགས་ནས་ལུས་སྦྱོང་ཟབ་སྦྱོང་ཉིན་གྲངས་ལྔའི་རིང་སེར་སྐྱ་མི་མང་ཁྱོན་ ༥༠ བརྒལ་བ་དང་། དེ་བཞིན་ཉེ་འཁོར་རྒྱ་གར་ཡུལ་མི་ཁག་གཅིག་ཀྱང་མཉམ་ཞུགས་གནང་བ་བཅས་ཀྱི་གནས་བསྡུས་སུ།
