༢༠༠༩ ཕྱི་ཟླ་ ༥ ཚེས་ ༨ རེས་གཟའ་པ་སངས།
༄༅། །བོད་མིའི་ཆོས་སྲིད་གཉིས་ཀྱི་མངའ་བདག་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་ ༢༠༠༩ ཕྱི་ཟླ་ ༥ ཚེས་ ༤ ཉིན་ཨ་རིའི་གྲོང་ཁྲེར་ནིའུ་ཡོཀ་དུ་རྟེན་གཞི་བྱས་པའི་བོད་ཀྱི་ཁང་པས་གོ་སྒྲིག་ཞུས་ཐོག་བྱམས་བརྩེའི་སྙིང་པོའི་ཐོག་ལ་བཀའ་ཆོས་བཀའ་དྲིན་སྩལ་གནང་མཛད་ཡོད།
དེ་ཡང་གསུང་དེ་ཡང་གསུང་ཆོས་ཀྱི་ཐོག་མར་དགེ་འདུན་པ་ཁག་གཅིག་ནས་དབྱིིན་སྐད་ཐོག་སེམས་ཀྱི་མདོ་འདོན་གྲུབ་མཚམས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་གསུང་ཆོས་བཀའ་དྲིན་སྐྱོང་སྐབས་མགོན་པོ་གང་ཉིད་ནས་ཆོས་ལུགས་གཅིག་ནས་གཅིག་ལ་བསྒྱུར་རྒྱུར་མོས་པ་མེད་སྐོར་གྱི་བཀའ་སློབ་ཕེབས་ཡོད། དེ་ཉིན་སྔ་དྲོ་༸གོང་ས་མཆོག་ནས་མགོན་པོ་ཀླུ་སྒྲུབ་མཆོག་གིས་ལྗགས་རྩོམ་མཛད་པའི་དབུ་མ་རྩ་བ་ཤེས་རབ་ཀྱི་གསུང་ཆོས་སྩལ་བ་མ་ཟད། མགོན་པོ་ཀླུ་སྒྲུབ་མཆོག་གིས་རྒྱ་གར་ནང་ནང་ཆོས་དར་འཕེལ་ཡོང་སླད་མཛད་རྗེས་བསྐྱངས་ཡོད་པ་སོགས་བཀའ་སློབ་སྩལ་ཡོད། 
དེ་ནས་ཉིན་གུང་གི་ལྗགས་སྨིན་གྲུབ་རྗེས་༸གོང་ས་མཆོག་ནས་གསུང་ཆོས་མུ་མཐུད་བཀའ་དྲིན་སྩལ་གནང་མཛད་དེ་བྱམས་བརྩེ་ནི་སངས་རྒྱས་ཀྱིས་གསུངས་པའི་ནང་པའི་ཆོས་ཀྱི་རྩ་བ་ཡིན། ཞེས་སོགས་ཀྱི་བཀའ་སྩལ་ཡོད་འདུག
