༢༠༠༩ ཕྱི་ཟླ་ ༥ ཚེས་ ༡༤ རེས་གཟའ་ཕུར་བུ།
༄༅། །༢༠༠༩ ཕྱི་ཟླ་ ༥ ཚེས་ ༢ དགོང་དྲོ་ཆུ་ཚོད་ ༥།༣༠ ཐོག་དབུས་ལས་ཁུངས་ཁག་གི་ལས་བྱེད་ནང་ཁུལ་ཕན་ཚུན་མཐུན་ལམ་དངལུས་སྦྱོང་ཡོང་ཆེད་ལག་རྩེད་སྤོ་ལོའི་རུ་ཁག་བདུན་ནས་རྩེད་འགྲན་ནང་བཞུགས་ཏེ་རིམ་པས་རྩེད་འགྲན་བྱས་ཏེ་བོད་གཞུང་བདེ་སྲུང་ལས་ཁུངས་ཀྱི་ལག་རྩེད་སྤོ་ལོའི་རྩེད་འགྲན་པའི་རུ་ཁག་དང་། དབུས་སྨན་རྩིས་ཁང་གི་ལག་རྩེད་སྤོ་ལོའི་རྩེད་འགྲན་པའི་རུ་ཁག་གཉིས་མཐའ་མའི་འགྲན་བསྡུར་ནང་ཚུད་ཡོད་པ་རེད།
བོད་གཞུང་བདེ་སྲུང་ལས་ཁུངས་ཀྱི་ལག་རྩེད་སྤོ་ལོའི་རུ་ཁག་ལ་བོད་མི་མང་སྤྱི་འཐུས་ཚོགས་གཙོ་མཆོག་ནས་ཕྱག་གཏོང་བཞིན་པ།
དེ་ཡངཕྱི་ཟླ་ ༥ ཚེས་ ༡༣ དགོང་དྲོ་བོད་གཞུང་བདེ་སྲུང་ལས་ཁུངས་ཀྱི་ལག་རྩེད་སྤོ་ལོའི་རུ་ཁག་དང་། དབུས་སྨན་རྩིས་ཁང་གི་ལག་རྩེད་སྤོ་ལོའི་རུ་ཁག་གཉིས་མཐའ་མའི་འགྲན་བསྡུར་གྱི་ཐོག་མར་རུ་ཁག་གཉིས་ཀྱི་མི་རྣམས་ཐང་དཀྱིལ་དུ་འཛོམས་ཏེ་རུ་སྒྲིག་གིི་དབུས་སུ་ཆེད་དུ་གདན་ཞུ་བྱས་པའི་སྐུ་མགྲོན་གཙོ་བོ་བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་ཕེབས་ཏེ་རྩེད་འགྲན་པ་རྣམས་ལ་རེ་རེ་བཞིན་ཕྱག་བཏང་སྟེ་འཚམས་འདྲིའི་བཀྲ་ཤིས་བདེ་ལེགས་ཞུས་གྲུབ་རྗེས་ལག་རྩེད་སྤོ་ལོའི་རུ་ཁག་གཉིས་མགྲན་བསྡུར་འགོ་བཙུགས་ནས་ཆུ་ཚོད་གཅིག་
དབུས་སྨན་རྩིས་ཁང་གི་ལག་རྩེད་སྤོ་ལོའི་རུ་ཁག་ལ་བོད་མི་མང་སྤྱི་འཐུས་ཚོགས་གཙོ་མཆོག་ནས་ཕྱག་གཏོང་བཞིན་པ།
ཙམ་འགྲན་བསྡུར་བྱས་རྗེས་བོད་གཞུང་བདེ་སྲུང་ལས་ཁུངས་ཀྱི་རྩེད་འགྲན་པ་ཚོས་དབུས་སྨན་རྩིས་ཁང་གི་རྩེད་འགྲན་པའི་རུ་ཁག་ལས་རྒྱལ་ཏེེ་མཐའ་མའི་གསེར་མདོག་ཅན་གྱི་གཟེངས་རྟགས་ཀྱི་བུམ་པ་དང་། བྱ་དགའ་ཧིན་སྒོར་ ༢༠༠༠།༠༠ ཐོབ་ཡོད། དབུས་སྨན་རྩིས་ཁང་གི་ལག་རྩེད་སྤོ་ལོའི་རུ་ཁག་ལ་ཨང་གཉིས་པ་ཐོབ་ནས་བྱ་དགའ་ཧིན་སྒོར་ ༡༠༠༠།༠༠ དང་མཇལ་དར་བཅས་སྐུ་མགྲོན་གཙོ་བོ་བོད་མི་མང་སྤྱི་འཐུས་ཚོགས་གཙོ་མཆོག་ནས་གནང་ཡོད་པ་བཅས་ཀྱི་གནས་བསྡུས་སུ།།
