༢༠༠༩ ཕྱི་ཟླ་ ༥ ཚེས་ ༦ རེས་གཟའ་ལྷག་པ།
༄༅། །འཛམ་གླིང་འདིའི་སྟེང་ཀློག་པ་པོ་རྒྱ་ཁྱབ་ཆེ་ལ་སྙན་གྲགས་ཆེ་བའི་ཊེམ་དུས་དེབ་ཀྱིས་ལོ་འཁོར་འདིའི་ནང་འཛམ་གླིང་འདིའི་སྟེང་མིའི་མི་ཚེར་ཤུགས་རྐྱེན་སྤྲོད་ནུས་མཁན་གྱི་སྐྱེ་བོ་གྲགས་ཅན་བརྒྱའི་ཁོངས་སུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་འདེམས་ཐོན་བྱུང་ཡོད། དེ་ཡང་ཊེམ་གསར་ཁང་ནས་བརྗོད་པ་ལྟར་ན། སྤྱི་ནོར་༸གོང་ས་༸སྐྱབས་མགོ་ཆེན་པོ་མཆོག་ལ་མི་གྲངས་དྲུག་འབུམ་ལྔ་ཁྲི་ལྷག་ཙམ་ནས་འོས་འཕེན་གནང་སྟེ་འཛམ་གླིང་གི་དབུ་ཁྲིད་དང་གསར་བརྗེའི་མི་སྣ་གྲགས་ཅན་བརྒྱའི་ནང་ནས་དྲུག་ཅུ་རེ་གཅིག་པར་མཚན་བཀོད་གནང་ཡོད་པ་རེད། དེ་ཡང་ཕྱི་ལོ་ ༢༠༠༦ ལོར་ཊེམ་དུས་དེབ་དེ་ཨེ་ཤི་ཡའི་ནང་པར་སྐྲུན་བྱེད་འགོ་ཚུགས་ཏེ་ལོ་ངོ་དྲུག་ཅུ་འཁོར་བའི་སྐབས་དེར་༸གོང་ས་༸སྐྱབས་མགོན་ཆེན་པོ་མཆོག་ཨེ་ཤིའི་ནང་གི་ཕོ་རྒོད་ལྔའི་ཁོངས་སུ་མཚན་འདོན་གྱི་ཆེ་བསྟོད་ཞུས་ཡོད་པ་རེད། ཐེངས་འདིར་ཤུགས་རྐྱེན་ཆེ་ཤོས་བརྒྱའི་ནང་གི་ཨང་དང་པོ་དེ་སྤྱི་ཚོགས་ཀྱི་དྲ་རྒྱ་ ཕོར་ཅན་ཌོ་ཌི་ཨོ་ཨར་ཇི་ཞེས་པ་གསར་བཏོད་གནང་མཁན་ལོ་ན་ ༢༡ སོན་པའི་མཐོ་སློབ་ཀྱི་སློབ་མ་ཁིར་སི་ཊོ་པ་པུལ་ཞེས་པ་དེ་ཡིན་པ་དང་ཨ་རིའི་སྲིད་འཛིན་བྷ་རཀ་ཨོ་བྷ་མ་མཆོག་ཨང་གྲངས་ ༣༧ ཡིན་འདུག
