ཕྱི་ལོ་ ༢༠༠༩ ཟླ་ ༡ ཚེས་ ༡༢ རེས་གཟའ་ཟླ་བ།
༄༅། །ཤེས་རིག་ལས་ཁུངས་ནས་ཕྱི་ལོ་ ༢༠༠༨ ཟླ་ ༡༠ ཚེས་ ༡ ནས་ཕྱི་ལོ་ ༢༠༠༩ ཟླ་ ༡ ཚེས་ ༧ བར་ཆོས་དགེའི་སྦྱོང་བརྡར་གྱིས་ཟླ་གསུམ་ཟབ་སྦྱོང་ས་རཱ་བོད་ཀྱི་མཐོ་རིམ་སློབ་གཉེར་ཁང་དུ་གོ་སྒྲིག་ཞུས་ཡོད་པ་རེད། ཕྱི་ཟླ་ ༡ ཚེས་ ༧ སྔ་དྲོ་ཚོུད་ ༡༠ ཐོག་མཇུག་བསྡོམས་ཀྱི་མཛད་སྒོར་དཔལ་ལྡན་ཤེས་རིག་བཀའ་བློན་མཆོག་ནས་ཟབ་
དཔལ་ལྡན་ཤེས་རིག་བཀའ་བློན་ཐུབ་བསྟན་ལུང་རིག་མཆོག་དབུ་བཞུགས་ཐོག་ཆོས་དགེའི་སྦྱོང་བརྡར་དུ་ཕེབས་པའི་དགེ་ལས་དང་ཆོས་དགེ་རྣམ་པ།
སྦྱོང་སློབ་ཁྲིད་གནང་མཁན་རྣམས་ལ་ཐུགས་རྗེ་ལེགས་འབུལ་དང་སྦྱོང་བརྡར་སློབ་ཐོན་རྣམས་ལ་ཕྱག་འཁྱེར་གནང་བ་དང་སྦྲགས་ཆོས་དགེ་རྣམས་པས་སློབ་གྲྭ་ཁག་ནང་སློབ་ཁྲིད་བྱེད་ཕྱོགས་སྐོར་གྱི་ལམ་སྟོན་གསུང་བཤད་གནང་ཡོད་པ་རེད། སྦྱོང་བརྡར་ནང་ཆོས་དགེ་གྲངས་ ༡༦ འཛུལ་ཞུགས་ཀྱིས་ཕྱི་ཟླ་ ༡༢ ནང་རྒྱུགས་སྤྲོད་བཏང་ནས་ཆ་ཚང་ལེགས་ཐོན་
བྱུང་ཡོད་པ་རེད།དཔལ་ལྡན་ཤེས་རིག་བཀའ་བློན་ཐུབ་བསྟན་ལུང་རིག་མཆོག་དབུ་བཞུགས་ཐོག་ཆོས་དགེའི་སྦྱོང་བརྡར་དུ་ཕེབས་པའི་དགེ་ལས་དང་ཆོས་དགེ་རྣམ་པ། སྦྱོང་བརྡར་རིང་ཤེས་ཡོན་སྲིད་བྱུས་དང་། ནང་ཆོས་རིགས་ལམ་ཁྲིད་ཐབས། ཆོས་འབྱུང་། བྱིས་པའི་སེམས་ཁམས་རིག་པ། སློབ་ཁྲིད་ཐབས་ལམ་དང་འཆར་ཟིན། སྲོལ་རྒྱུན་ཤེས་ཡོན། བོད་ཀྱི་སྐད་ཡིག སློབ་གྲྭའི་འཛིན་སྐྱོང་སྐོར། འཚེ་མེད་ཞི་བ་དང་ལམ་དབུ་མ། ཆོ་ག་ཕྱག་ལེན། བྱང་ཆུབ་ལམ་སྒྲོན། ཡོག་དང་པྲ་ཌྷ་ཡམ་སོགས་སློབ་ཁྲིད་གནང་བ་དང་། ཉིན་བཅུའི་རིང་སློབ་ཁྲིད་ལག་ལེན་གྱི་སྦྱོང་བརྡར་སུ་ཇ་བོད་ཁྱིམ་དང་ཅོན་ཏ་ར་གཏན་སློབ་དང་བོད་ཁྱིམ་སློབ་ཁག་ཏུ་གནང་ཡོད་པ་རེད། ཆོས་དགེ་སྦྱོང་བརྡར་ཐོན་པ་དབུས་བོད་སློབ་ཁྱབ་ཁོངས་འཛིན་རིམ་བརྒྱད་པ་ཅན་སློབ་ཁག་ཚང་མ་དང་སམ་བྷོ་ཊའི་ཁྱབ་ཁོངས་འཛིན་རིམ་བརྒྱད་པ་ཁག་ལ་ལས་བགོ་གནང་གཏན་འཁེལ་ཡོད་པ་མ་ཟད། ཆོས་དགེ་རྣམས་ལ་༸གོང་ས་མཆོག་གི་ལྗགས་རྩོམ་གནང་བའི་ནང་ཆོས་དཔེ་དེབ་གཙོ་བོ་གྱུར་བའི་ཟུར་ལྟའི་དཔེ་དེབ་གྲངས་ ༢༠ དང་འོད་སྡེར་ཁག་བདུན་ཙམ་མཁོ་སྤྲོད་གནང་ཡོད་པ་རེད།།
